लोकसभा निवडणुकांसाठी आज पाचव्या टप्प्यातले मतदान चालू आहे. थोड्याच वेळापूर्वी चित्रपट निर्माता कुणाल कोहलीने याने मुंबईमध्ये वांद्रे पश्चिम येथे आपला मतदानाचा हक्क बजावला आहे.
यानंतर तो प्रसारमाध्यमांशी संवाद साधताना म्हणाला की, “मी लोकांना आवाहन करतो की घराबाहेर पाडा आणि मतदान करा. तो तुमचा अधिकार आहे आणि नंतर तुम्ही मत न दिल्यास तुम्हाला तक्रार करण्याचा अधिकार नाही हे लक्षात असू द्या . तुम्ही मतदान करा आणि मग उर्वरित दिवसाचा, सुट्टीचा आनंद घ्यावा.”
कुणाल कोहली हा एक भारतीय चित्रपट दिग्दर्शक, निर्माता, लेखक आणि बॉलिवूडमधील अभिनेता आहे. गाजलेला रोमँटिक कॉमेडी सिनेमा ‘हम तुम’ याचे दिग्दर्शन त्याने केले होते.
