आज आयपीएलच्या स्पर्धेत आज
राजस्थान रॉयल्स विरुद्ध रॉयल चेलॅंजर्स बंगलोर यांच्यात एलिमिनेटरचा सामना
होणार आहे. कालच्या क्वालिफायरच्या सामन्यात कोलकाता नाईट रायडर्स विरुद्ध
सनरायझर्स हैद्राबाद यांच्यात सामना झाला. तर कोलकाता नाईट रायडर्सने हैद्राबादवर
विजय मिळवत फायनलमध्ये धडक मारली आहे. दरम्यान आजचा सामना देखील महत्वाचा असणार
आहे. आजच्या सामन्यात जो जिंकेल तो सनरायझर्स हैद्राबाद बरोबर सामना खेळावा लागणार
आहे. तसेच आजच्या सामन्यात जो पराभूत होईल त्या संघाला स्पर्धेतून बाहेर जावे
लागणार आहे.
हा सामना अहमदाबाद येथील नरेंद्र मोदी
स्टेडियमवर होणार आहे. मात्र या सामन्यावर पावसाचे सावट आहे. आजच्या सामन्यासाठी
चाहते अत्यन्त उत्सुक आहेत. मात्र पावसामुळे सामना रद्द होण्याची शक्यता आहे.
आयपीएलमध्ये एकूण ३ सामने पावसामुळे रद्द झाले आहेत. मात्र हवामान खात्याने
दिलेल्या अपडेटनुसार आज सामन्यादरम्यान पावसाची शक्यता नसल्याचे समजते आहे.
