देशभरात लोकसभा निवडणुकीचे मतदान ७ टप्प्यांमध्ये पार पडत आहे. आता ६ व्या टप्प्यातले मतदान येत्या २५ तारखेला होणार आहे.
भारतीय जनता पक्षाचे (भाजप) सर्वोच्च नेते आणि स्टार प्रचारक पंतप्रधान नरेंद्र मोदी आज हरियाणा आणि पंजाबमध्ये प्रचार करणार आहेत. हरियाणातील एका जाहीर सभेला संबोधित करून ते आजच्या प्रचाराचे उद्घाटन करतील. भाजपने आपल्या X हँडलवर पंतप्रधान नरेंद्र मोदी यांचा आजचा निवडणूक कार्यक्रम शेअर केला आहे.
यावेळी सार्वत्रिक निवडणुकीत 400 चा आकडा पार करण्याचा संकल्प पूर्ण करण्यासाठी पंतप्रधान मोदी देशभरात जोरदार प्रचार करत मतदारांकडून आशीर्वाद घेत आहेत. सकाळी ते हरियाणामध्ये पोचतील आणि प्रचाराची सुरवात करतील . पंजाबमधील पटियाला येथे दुपारी साडेचार वाजता पंतप्रधान मोदी जाहीर सभेला संबोधित करतील.
