Mayawati : आज (23 मे) बसपा प्रमुख मायावती यांनी लोकसभा मतदारसंघ मिर्झापूर येथे निवडणूक रॅलीला संबोधित केलं. यावेळी त्या म्हणाल्या की, आमचा पक्ष काँग्रेस आणि भाजपसोबत युती करण्याऐवजी स्वबळावर निवडणूक लढवत आहे. तसंच आज इथे जमलेला प्रचंड जनसमुदाय आणि प्रचंड उत्साह पाहून मलाही खूप आत्मविश्वास वाटला.
यावेळी मायावती म्हणाल्या की, “गेल्यावेळेप्रमाणे या वेळीही तुम्हाला आपल्या राज्यातून लोकसभा निवडणुकीत आपल्या पक्षाचा चांगला निकाल पाहायला मिळेल. यासाठी मला तुमचे लक्ष महत्त्वाच्या गोष्टींकडे वेधायचे आहे. स्वातंत्र्यानंतर सुरुवातीला अनेक राज्यात काँग्रेस पक्षाची सत्ता होती मात्र चुकीची धोरणे आणि चुकीच्या कार्यपद्धतीमुळे त्यांना हद्दपार व्हावे लागले. जातीयवादी, भांडवलशाही, जातीयवादी आणि द्वेषपूर्ण कारवायांमुळे काँग्रेस केंद्रात पुन्हा सत्तेत येणार नाही.”
“सर्व विरोधी पक्षांनी निवडणुका जिंकण्यासाठी पैसे घेतले आहेत. पण बसपने निवडणूक लढवण्यासाठी कोणाकडून एक पैसाही घेतला नाही. बसपा कार्यकर्त्यांकडून तुटपुंजे पैसे गोळा करून निवडणूक लढवत आहे. तर शेतकरीही भाजप सरकारवर प्रचंड नाराज झाले आहेत. आमच्या सरकारच्या काळात आम्ही शेतकऱ्यांना शेतीसाठी खते देण्यासाठी पिकांना रास्त भाव दिला होता”, असे मायावती म्हणाल्या.
पुढे त्या म्हणाल्या, “बसपा सरकारने आपल्या राजवटीत मिर्झापूरसारख्या मागासलेल्या भागालाही अनेक सुविधा दिल्या आहेत. विशेषत: सोनभद्र हे फार मोठे क्षेत्र होते, तिथे आदिवासी लोकांची अवस्था फार वाईट होती. पण आम्ही दलितांसह सर्वांचा विकास केला आहे. बसपाचे सरकार आल्याने नक्षलवादही कमी झाला आहे”, असंही मायावती म्हणाल्या.
