उत्तर प्रदेशातील बदायूं येथील रहिवासी असलेले प्रसिद्ध चित्रपट आणि टीव्ही अभिनेते फिरोज खान यांचे निधन झाले आहे. आज सकाळी बदायूंमध्ये त्यांना हृदयविकाराचा झटका आला आणि त्याचदरम्यान त्यांचे निधन झाले.
फिरोज खान यांना अमिताभ बच्चन यांचा डुप्लिकेट म्हटले जायचे.ते हुबेहूब बिग बींसारखी नक्कल करत आणि वेषभूषाही तशीच करत. यामुळे ते त्यांच्या चाहत्यांमध्ये ‘अमिताभ यांचे डुप्लिकेट’ म्हणून प्रसिद्ध होते.
त्यांनी अनेक मालिका आणि चित्रपटांमध्ये काम केले आहे. त्यांनी ‘भाभीजी घर पर हैं’, ‘जिजा जी छत पर हैं’, ‘साहब बीबी और बॉस’, ‘हप्पू की उल्टान पलटन’ आणि ‘शक्तिमान’ यांसारख्या मालिकांमध्ये काम केले आहे. याशिवाय ते गायक अदनान सामीच्या ‘थोडी सी तू लिफ्ट करा दे’ या सुपरहिट गाण्यात दिसले होते.
फिरोज खान गेल्या काही दिवसांपासून बदायूं येथे राहत होते. तिथे राहून त्यांनी अनेक कार्यक्रमात भाग घेतला.त्यांनी शेवटचा कार्यक्रम ४ मे रोजी बदाऊ येथील मतदार महोत्सवात सादर केला होता. त्यांच्या अभिनयाला प्रेक्षकांनी भरभरून दाद दिली.
त्यांच्या निधनाने कलाविश्वात शोककळा पसरली आहे. फिरोज खान यांचा सोशल मीडियावर चांगला चाहता वर्ग आहे.इंस्टाग्रामवर त्यांच्या फॉलोअर्सची संख्या लाखोंच्या घरात आहे.
