लोकसभा निवडणुकीचा रणसंग्राम सुरु आहे. ५ टप्प्यातील मतदान पूर्ण
झाले आहे. उद्या ६ व्या टप्प्यातील तर १ जूनला ७ व्या टप्प्यातील मतदान होणार आहे.
दरम्यान लोकसभा निवडणुकीत झालेल्या मतदानाचे सार्वजनिक करावे यासाठी सुप्रीम
कोर्टात याचिका दाखल करण्यात आली होती. लोकसभा निवडणुकीतील मतदानाची आकडेवारी
सार्वजनिक करण्यासंदर्भात दाखल करण्यात आलेल्या याचिकेवर सर्वोच्च न्यायालयात आज
सुनावणी झाली. सर्वोच्च न्यायालयाने या याचिकेवर तातडीने सुनावणी घेण्यास नकार
दिला असून सहाव्या टप्प्यातील निवडणुका घ्यायच्या आहेत, त्यामुळे
निवडणुका पूर्ण झाल्यानंतरच सुनावणी घेण्यात येणार आहे.
लोकसभा निवडणुकीतील मतदानाची आकडेवारी जाहीर करताना अनेक दिवसांपासून
राजकीय पक्षांवर अनियमिततेचे आरोप होत होते. निवडणुकीच्या दिवशी दाखवलेली मतदानाची
टक्केवारी ही एक गोष्ट आहे आणि निवडणूक आयोगाने जी नंतर जाहीर केली आहे ती दुसरी
गोष्ट आहे, असे यातील बहुतांश पक्षांचे मत आहे. याप्रकरणी सर्वोच्च न्यायालयात
याचिका दाखल करताना निवडणूक आयोगाच्या वेबसाइटवर फॉर्म १७ सीची प्रत अपलोड
करण्याचे आदेश द्यावेत, अशी मागणी करण्यात आली होती.
दोन्ही पक्षांचे म्हणणे ऐकून
घेतल्यानंतर न्यायालयाने याचिका दाखल करण्याच्या वेळेवर प्रश्न उपस्थित केले.
न्यायमूर्ती दीपंकर दत्ता यांच्या वतीने निवडणूक सुरू झाल्यानंतरच ही याचिका का
दाखल करण्यात आली, अशी विचारणा केली. ही याचिका सुप्रीम कोर्टाने प्रलंबित ठेवली असून
आता निवडणुका सुरु असून, त्या अंतिम टप्प्यात आल्याचेही
सांगण्यात आले आहे. अशा स्थितीत सध्या कोणताही आदेश काढला जाणार नाही, असे
कोर्टाने स्पष्ट केले.
