Suhana Khan : रविवारी (26 मे) झालेल्या आयपीएल 2024च्या सामन्यात कोलकाता नाईट रायजर्सने सनरायजर्स हैदराबादचा दारूण पराभव केला. कोलकाता नाईट रायडर्सने तब्बल 10 वर्षांनंतर आयपीएल 2024 चे विजेतेपद पटकावले आहे. गेल्या वेळी केकेआरने गौतम गंभीरच्या नेतृत्वाखाली 2014 मध्ये ट्रॉफी जिंकली होती. तर यंदाही केकेआरने दमदार अशी कामगिरी करत आयपीएलच्या ट्रॉफीवर आपले नाव कोरले आहे.
केकेआरच्या विजयानंतर फ्रँचायझीचा मालक शाहरुख खान सेलिब्रेशन करताना दिसला. यावेळी त्याच्यासोबत उभी असलेली त्याची मुलगी सुहाना खान भावूक झाल्याचे दिसले.
एमए चिदंबरम स्टेडियमवर आयपीएल 2024 च्या अंतिम सामन्यासाठी KKR मालक शाहरुख खान त्याच्या कुटुंबासह पोहोचला होता. यावेळी टीम जिंकताच सुहाना खानला आपले अश्रू आवरता आले नाहीत. सुहानाने तिच्या वडिलांना शाहरूखला विचारले, ‘तुम्ही आनंदी आहात का?’ आणि त्यांना मिठी मारली. यावेळी सुहानासोबतच मुलगा आर्यन आणि अब्राहम देखील शाहरूखला मिठी मारताना दिसले. सध्या हा व्हिडीओ सोशल मीडियावर मोठ्या प्रमाणात व्हायरल होत आहे.
https://x.com/SRKsSamina_/status/1794784765608087953
दरम्यान, शाहरूख खानला अहमदाबादमध्ये आयपीएल क्वालिफायर-1 दरम्यान उष्माघाताचा त्रास झाला होता. त्यामुळे सामना संपल्यानंतर शाहरूखला रुग्णालयात दाखल करण्यात आले होते. त्यामुळे काल चेन्नई येथे झालेल्या अंतिम सामन्यात शाहरुख मास्क घालून दिसला होता. केकेआरच्या विजयानंतर तो कुटुंबासह संघासह मैदानावर दिसला.
