Janhvi Kapoor : जान्हवी कपूर ही चित्रपटसृष्टीतील प्रसिद्ध अभिनेत्रींपैकी एक आहे. तिने तिच्या उत्कृष्ट अभिनयाने प्रेक्षकांच्या मनात स्थान निर्माण केले आहे. त्यामुळे तिचा चाहता वर्गही मोठ्या संख्येत आहे. तसेच आता जान्हवी एका नवीन धमाकेदार चित्रपटाच्या माध्यमातून पुन्हा एकदा मोठ्या पडद्यावर खळबळ माजवणार आहे.
जान्हवी कपूर लवकरच ‘मिस्टर अँड मिसेस माही’ या चित्रपटात झळकणार आहे. या चित्रपटात ती अभिनेता राजकुमार रावसोबत मुख्य भूमिकेत दिसणार आहे. तर या चित्रपटाच्या प्रमोशनसाठी नुकतीच जान्हवी कपूर स्पोर्ट्समध्ये पोहोचली होती. तिथे तिला तिचा आवडता क्रिकेटर कोणता आहे हे विचारण्यात आला. यावर उत्तर देताना तिने टीम इंडियाचा हिटमॅन म्हणजेच रोहित शर्माचे नाव घेतले. जान्हवी कपूरने टीम इंडियाच्या रोहित शर्मा आणि विराट कोहली या दोन खेळाडूंबद्दल तिची आवड व्यक्त केली. तिने सांगितले की, हे दोघेही तिच्या आवडत्या खेळाडूंपैकी एक आहेत.
दरम्यान, भारतीय संघातील काही क्रिकेटपटूंची फॅन फॉलोइंग खूप जास्त आहे. यामध्ये विराट कोहली आणि रोहित शर्मा यांची नावे आघाडीवर आहेत. सामान्य जनताच नाही तर सिनेविश्वातील कलाकारही त्यांचे फॅन आहेत.
