Pune Porsche Accident : पुण्यातील कल्याणीनगर भागात झालेल्या अपघातामुळे संपूर्ण देशभरात एकच खळबळ उडाली आहे. या अपघात प्रकरणात दररोज नवनवीन खुलासे होताना दिसत आहे. तर या प्रकरणी पुणे पोलिसांनी अल्पवयीन आरोपी मुलगा, त्याचे वडील विशाल अग्रवाल आणि अल्पवयीन मुलाचे आजोबा सुरेंद्र अग्रवाल यांना अटक केली आहे. तर आता या प्रकरणात आणखी एक नवीन अपडेट समोर आली आहे. पोलिसांनी आणखी एका व्यक्तीला अटक केली आहे.
अतुल घटकांबळे या व्यक्तीला पोलिसांनी अटक केली आहे. या प्रकरणात अतुल घटकांबळेने ब्लड सॅम्पल बदलण्यासाठी पैसे पुरवल्याची माहिती आहे. तसेच पोलिसांनी ससूनमधील फॉरेन्सिक 2 डॉक्टरांनाही अटक केली आहे.
या अपघात प्रकरणाबाबत आज पुणे पोलीस आयुक्त अमितेश कुमार यांनी पत्रकार परिषद घेत नवीन माहिती दिली आहे. आरोपीचे आजोबा सुरेंद्र अग्रवाल यांच्या म्हणण्यांनुसार ससूनच्या दोन डॉक्टरांनी आरोपीचा ब्लडचा रिपोर्च बदलला असल्याचं समोर आलं आहे. त्यामुळे पोलिसांनी ससूनमधील दोन डॉक्टरांना अटक केली आहे.
