PM Modi On Arvind Kejriwal : दिल्लीचे मुख्यमंत्री अरविंद केजरीवाल निवडणूक प्रचारासाठी अंतरिम जामिनावर तिहार तुरुंगातून बाहेर आले आहेत. तुरुंगातून बाहेर आल्यानंतर अरविंद केजरीवाल यांनी पंतप्रधान मोदींवर गंभीर आरोप केले होते. तुरूंगामध्ये कोण जाणार हे पंतप्रधान ठरवतात, असे ते म्हणाले होते. तसेच हेमंत सोरेन आणि मला पंतप्रधान मोदींच्या सांगण्यावरून त्रास सहन करावा लागला, असा आरोपही केजरीवालांनी केला आहे. अरविंद केजरीवाल यांच्या या आरोपाला आता पीएम मोदींनी प्रत्युत्तर दिले आहे. आज एएनआयला मुलाखत देताना पीएम मोदी म्हणाले की, या लोकांनी संविधान, देशाचे कायदे आणि नियम वाचले तर बरे होईल, मला काही सांगण्याची गरज नाही.
यावेळी पंतप्रधान मोदी म्हणाले, मीडियाला माझा प्रश्न आहे की, विरोधकांनी तुम्हाला कचरा दिला आहे आणि तुम्ही तो आमच्यापर्यंत पोहोचवा. प्रसारमाध्यमांनी सरकारला आणि पंतप्रधानांना कोणते प्रश्न विचारले पाहिजेत यावर संशोधन करावे. तसेच कचरा फेकणाऱ्यांना विचारा की ते काय बोलत आहेत याचा काही पुरावा आहे का? मी कचऱ्याचे रिसायकल करून त्याचे खतामध्ये रुपांतर करेन आणि देशासाठी काही चांगल्या गोष्टी निर्माण करेन हे योग्य आहे.
पुढे पंतप्रधान नरेंद्र मोदींनी ओडिशातील सरकारमधील बदल आणि काश्मीरमधील बंपर मतदानाचाही उल्लेख केला. ते म्हणाले की, दुर्दैवाची गोष्ट म्हणजे आता टीएमसी व्होट बँकेच्या राजकारणासाठी न्यायव्यवस्थेचा गैरवापर करत आहे आणि ही परिस्थिती कोणत्याही परिस्थितीत स्वीकारार्ह असू शकत नाही. सहा टप्प्यांनंतर बंगालमध्ये 33 जागांवर मतदान झाले, आता शेवटच्या टप्प्यात 9 जागांवर मतदान होणार आहे. तसेच आता ओडिशाचे नशीब बदलणार आहे, कारण सरकार बदलत आहे, असेही पंतप्रधान मोदी म्हणाले.
