बांगलादेश खासदार अन्वारुल अझीम अनार हत्या प्रकरणाचा तपास सुरू असताना, बांगलादेश गुप्तहेर विभागाचे प्रमुख, हारुन-उर-रशीद यांनी म्हटले आहे की त्यांना परिस्थितीजन्य पुरावे मिळाले आहेत, आणि एक ज्या डुप्लेक्स फ्लॅटमध्ये खून झाला तिथे पुढील तपासणी चालू आहे.
बांगलादेशचे गृहमंत्री असदुझ्झमन खान यांनी सांगितले होते की, भारतात बेपत्ता झालेल्या अन्वारुल अझीम अनार यांची 22 मे रोजी कोलकाता येथे हत्या करण्यात आली होती त्यानंतर तीन संशयितांना अटक करण्यात आली आहे.
“आम्ही पश्चिम बंगाल सीआयडीच्या मदतीने त्या डुप्लेक्स फ्लॅटशी जोडलेल्या सीवेज लाइनची पाहणी केली. संपूर्ण सीवेज लाइन तोडण्यासाठी आम्ही सीआयडी पश्चिम बंगालची मदत घेतली. सीआयडी पश्चिम बंगालच्या मुख्यालयात, आम्ही आरोपीची चौकशी करत आहोत.” असे हारुन-ओर-रशीद यांनी मीडियाला सांगितले आहे .
बांगलादेशचे खासदार अन्वारुल अझीम अनार यांच्या हत्येप्रकरणी तपास करण्यासाठी बांगलादेश गुप्तहेर विभागाचे प्रमुख सध्या भारतात आहेत.
“आम्हाला अनेक डिजिटल पुरावे देखील मिळाले आहेत आणि आम्ही आरोपीचे स्टेटमेंट देखील रेकॉर्ड करू. चौकशीनंतर, आम्ही बांगलादेशातील आमच्या आरोपींशी विधान जुळवले. आम्हाला परिस्थितीजन्य पुरावे देखील मिळाले आहेत आणि आम्ही ते जुळवत आहोत…” असे सांगण्यात आले आहे.
हारुण-ओर-रशीद रविवारी दुपारी पोलिसांच्या पथकासह कोलकाता येथे पोहोचले आणि त्यांनी अनार यांच्या हत्येचे वर्णन “कोल्ड ब्लडिंग, बर्बर हत्या” असे केले. एवढा भयानक पद्धतीने करण्यात आलेला नियोजित खून आपण कधीच पाहिला नसल्याचे त्यांनी सांगितले.
बांगलादेशच्या गुप्तहेर पोलिस प्रमुखांनी सांगितले की, बांगलादेश खासदाराच्या हत्येमागील प्रमुख संशयिताला पकडण्याचे प्रयत्न तीव्र करण्यासाठी इंटरपोल आणि गुन्हे अन्वेषण विभाग (सीआयडी) सोबत सहकार्य करण्यासाठी ते भारतात आहेत.
त्यांनी सांगितले की, खून प्रकरणातील प्रमुख संशयिताची ओळख अख्तरझ्झमान असे असून तो काठमांडूहून दुबईमार्गे अमेरिकेत पळून गेला असावा असा संशय आहे.
मिळालेल्या माहितीनुसार, या बांगलादेशी खासदाराची कथितरित्या कोलकाता अपार्टमेंटमध्ये हत्या करण्यात आली होती, जिथे त्यांचा मृतदेह कापण्यात आला होता आणि संशयितांनी अनेक प्लास्टिक पिशव्यांमध्ये पॅक करून अवशेषांची विल्हेवाट लावली होती.
पश्चिम बंगाल गुन्हे अन्वेषण विभागाने (सीआयडी) सांगितले की, या प्रकरणातील संशयितांपैकी एक, बांगलादेशी नागरिक असलेल्या जिहाद हवालदार याने फ्लॅटमध्ये चौघांनी अन्वारुलची हत्या करून मृतदेहाचे तुकडे केल्याचे पोलिसांना सांगितले. जिहाद हा व्यवसायाने कसाई आहे. त्याने चौकशीदरम्यान कबूल केले की बांगलादेशी खासदाराची ओळख नष्ट करण्याचा प्रयत्न करत शरीराचे कातडे कापून त्याचे तुकडे केले होते .
अन्वारुल अझीम अनार हे पंतप्रधान शेख हसीना यांच्या अवामी लीग पक्षाचे खासदार होते. त्यांनी 2014, 2018 आणि 2024 मध्ये झेनैदह-4 मतदारसंघातून निवडणूक जिंकली होती.
