Andre Russell Dance With Ananya Pandey : रविवारी (26 मे) रोजी कोलकाता नाइट रायडर्सने IPL 2024 चा अंतिम सामना जिंकला आणि ट्रॉफीवर आपले नाव कोरले. या दमदार विजयानंतर केकेआर संघाने मोठी सेलीब्रेशन पार्टी केली. तर या पार्टीत सर्वांचे लक्ष वेधून घेतले ते वेस्ट इंडिजचा महान अष्टपैलू खेळाडू आंद्रे रसल याने. कारण त्याने पार्टीमध्ये अनन्या पांडेसोबत जबरदस्त असा डान्स केला आहे. सध्या अनन्या आणि आंद्रे रसलचा हा डान्स व्हिडीओ सोशल मीडियावर मोठ्या प्रमाणात व्हायरल होत आहे.
आंद्रे रसेलने आपल्या कारकिर्दीत प्रथमच आयपीएल फायनल खेळली आणि ती जिंकली. त्यामुळे तो खूप खूश दिसत होता आणि त्यानंतर त्याने केकेआरच्या पार्टीत जोरदार डान्स केला. तो बॉलीवूड अभिनेत्री अनन्या पांडेसोबत ‘मैं तो लूट पुट गया’ या गाण्यावर जबरदस्त असा डान्स करताना दिसला.
https://x.com/Iam_SyedIrfan/status/1795068191556649161
आंद्रे रसेल आणि अनन्या पांडेच्या डान्सचा हा व्हिडिओ सोशल मीडियावर मोठ्या प्रमाणात व्हायरल होत आहे. अनन्या पांडे देखील केकेआर या टीमला सपोर्ट करते कारण ती आणि शाहरुख खानची मुलगी सुहाना खानची चांगली मैत्रीण आहे. तर केकेआरच्या सामन्यांमध्ये ती अनेकदा स्टँडवरून संघाला सपोर्ट करताना दिसते आणि यावेळी संघाने विजेतेपद पटकावले आणि यामुळेच ती विजेत्या पार्टीत खेळाडू आणि सपोर्ट स्टाफसोबत मस्ती करताना दिसली. अनन्यासोबत या पार्टीत इतर काही अभिनेत्री आणि कलाकारही सहभागी झाले होते. शाहरुखने देखील या पार्टीचा आनंद लुटला आहे.
दरम्यान, आयपीएल 2024 च्या फायनलमध्ये कोलकाता नाईट रायडर्सने सनरायझर्स हैदराबादला जवळपास एकतर्फी पराभूत केले. केकेआरने 10 वर्षांनंतर जेतेपद पटकावले आहे, कारण 2014 साली शेवटचे जेतेपद केकेआरने जिंकले होते.
