#All Eyes On Rafa : गाझाच्या दुर्गम दक्षिणेकडील राफा भागात इस्रायलने गोळीबार केला असून या हल्ल्यात 45 लोकांचा मृत्यू झाल्याची माहिती समोर आली आहे. तर या घटनेवर अनेक भारतीय व्यक्तींनी इस्रायलने केलेल्या गोळीबाराचा निषेध केला आहे.
या हल्ल्याबाबत गाझाच्या डॉक्टरांनी सांगितले की, या हल्ल्यात शेकडो नागरिकांना श्रापनलने मारले आहे. जागतिक नेत्यांनी या हल्ल्याचा निषेध केला आहे. तर आता या हल्ल्याचा बॉलिवूड सेलिब्रिटींनी देखील विरोध केला आहे. त्यांनी पॅलेस्टाईनला पाठिंबा दर्शवला आहे. यामध्ये साउथ स्टार समांथाने तिच्या इंस्टाग्राम स्टोरीजवर अनेक पोस्टद्वारे राफावरील इस्रायलच्या हल्ल्याचा निषेध केला आहे.
अभिनेत्री स्वरा भास्कर हिने देखील इन्स्टाग्रामवर स्टोरी शेअर करून राफा हल्ल्याबद्दल आपला राग आणि निराशा व्यक्त केली आहे. “आम्ही अशा जगात राहतो की जिथे मुलांचा शिरच्छेद केला जातो आणि तंबूत जिवंत जाळला जातो तेव्हा आमच्याकडून प्रतिक्रिया अपेक्षित असते! माझ्या हृदयात कोणतेही शब्द नाहीत, फक्त त्या गर्विष्ठ गोऱ्या पुरुषांसाठी शाप आहे ज्यांनी हे केलेआहे”, असं स्वरा भास्कर म्हणाली.
तर फातिमा सना शेखनेही याबाबत इंस्टाग्राम स्टोरी शेअर केली आणि लिहिले, “राफामध्ये लहान मुलांचा शिरच्छेद केल्याचा एक अतिशय अस्वस्थ करणारा व्हिडिओ पाहिला. यापुढे दुर्लक्ष करता येणार नाही. हे कधी संपेल!”
वरुण धवननेही त्याच्या इन्स्टाग्राम स्टोरीवर आपले समर्थन शेअर केले आहे. तर टीव्ही अभिनेता अली गोनीने इंस्टाग्राम स्टोरीवर ‘ऑल आइज ऑन राफा’ अशी पोस्ट शेअर केली आहे.
