Elvish Yadav On Dhruv Rathee : प्रसिद्ध यूट्यूबर एल्विश यादव हा सोशल मीडियावर नेहमी सक्रिय असतो. तसेच तो त्याच्या अनेक व्हिडिओमुळे वादात देखील सापडला आहे. तर अलीकडेच त्याचा एक व्हिडिओ सोशल मीडियावर मोठ्या प्रमाणात व्हायरल होत आहे. ज्यामध्ये एल्विश यादव यूट्यूबर ध्रुव राठीला आव्हान देताना दिसत आहे. तसेच तो ध्रुव राठीचा पर्दाफाश करण्याविषयी बोलत आहे.
व्हिडीओमध्ये एल्विश यादव म्हणाला की, “भाऊ, आतापासून हा व्हिडिओ शेअर करू नका, नाहीतर बरेच निरक्षर लोक येतील. हे लोक निरक्षर आहेत. व्हिडिओ पहा, त्यानंतरच मी बघेन किती तुमचा ब्रेनवॉश झाला आहे. ध्रुव भाई, जर तुम्ही हा व्हिडिओ पाहत असाल तर मी तुम्हाला सांगतो की तुमच्या टीममधील माझे अनेक मित्र आहेत ज्यांनी मला आतल्या अनेक गोष्टी सांगितल्या आहेत.”
https://x.com/gharkekalesh/status/1795419765307330994
या व्हिडीओ पाहिल्यानंतर असं वाटतं आहे की, एल्विश यादव ध्रुव राठीवर एक व्हिडिओ बनवत आहे आणि या व्हिडिओमध्ये तो ध्रुव राठीचा पर्दाफाश करणार आहे. ध्रुव राठीच्या टीमकडून त्याला अशी आतली माहिती मिळाली आहे असंही तो म्हणत आहे. ज्यावरून ध्रुव राठी कोणासाठी आणि कसे काम करतो आहे हे स्पष्ट होईल.
व्हायरल होत असलेला हा व्हिडिओ सोशल मीडिया प्लॅटफॉर्म X वर @gharkekalesh नावाच्या अकाऊंटवरून शेअर करण्यात आला आहे. ज्याला 45 हजारांहून अधिक लोकांनी पाहिले आणि 3300 लोकांनी लाईक केले. एल्विशचे चाहते आणि ध्रुव राठी समर्थक दोघेही या व्हिडिओवर कमेंट करत आहेत.
