PM Modi On Mahatma Gandhi : सध्या पंतप्रधान नरेंद्र मोदी यांचा एक व्हिडिओ सोशल मीडियावर व्हायरल होत आहे. या व्हिडिओमध्ये पंतप्रधान मोदींनी महात्मा गांधी यांच्यावर भाष्य केलं आहे. महात्मा गांधींवर चित्रपट बनल्यानंतर ते जगाला कळू लागले. याआधी ते लोकांना माहीत नव्हते, असं वक्तव्य पंतप्रधान मोदींनी केलं आहे.
एका मुलाखतीदरम्यान पंतप्रधान मोदी म्हणाले की, महात्मा गांधींवर चित्रपट बनला नव्हता तोपर्यंत ते जगाला माहित नव्हते. महात्मा गांधी हे महान आत्मा होते. मग ही आपली जबाबदारी नाही का की महात्मा गांधींना साऱ्या जगाने ओळखाने. महात्मा गांधींना कोणी ओळखत नव्हते, अशा स्थितीत हा चित्रपट पहिल्यांदा बनला तेव्हा ते कोण आहेत याची उत्सुकता सर्वांना होती.
जर जग मार्टिन ल्यूथर किंग, नेल्सन मंडेला यांना ओळखत असेल. तर महात्मा गांधी त्यांच्यापेक्षा कमी नव्हते. तुम्हाला हे मान्य करावे लागेल, कारण मी हे जगभर फिरल्यानंतर सांगत आहे. गांधी आणि त्यांच्या माध्यमातून भारत ओळखला गेला पाहिजे, असंही पंतप्रधान मोदी म्हणाले.
