”पुणे अपघात प्रकरणात कोणालाही…”; गृहमंत्री देवेंद्र फडणवीसांचा गुन्हेगारांना स्पष्ट इशारा 

पुण्यातील हायप्रोफाईल अपघातप्रकरणात अल्पवयीन आरोपीचे वडील विशाल
अगरवाल आणि आजोबा सुरेंद्र अगरवाल यांच्या कोठडीत वाढ करण्यात आली आहे. कोर्टाने
त्यांच्या कोठडीत चार दिवसांची वाढ केली आहे. त्यामुळे विशाल अगरवाल आणि सुरेंद्र
अगरवाल यांचा ३१ मे पर्यंत कोठडीत मुक्काम असणार आहे. ब्लड रिपोर्टमध्ये छेडछाड
केल्याने ससूनमधील दोन डॉक्टराना देखील अटक करण्यात आली आहे. दरम्यान या सर्व
प्रकरणावर उपमुख्यमंत्री देवेंद्र फडणवीस यांनी भूमिका स्पष्ट केली आहे.

दरम्यान पुण्यातील अपघात प्रकरणी गृहमंत्री देवेंद्र फडणवीस स्वतः
लक्ष ठेवून आहेत. या प्रकरणावर बोलताना ते म्हणाले, ”आधीही सांगितले
होते आणि आताही सांगतो की, या प्रकरणात कोणालाही सोडणार नाही
म्हणजे नाहीच. पुणे कार अपघात प्रकरणाची चौकशी योग्य प्रकारे सुरु आहे.”