लोकसभा निवडणुका अंतिम टप्प्यात आल्या आहेत. आणि निकालाला आता अवघे ४ दिवस राहिले आहेत. मात्र अश्या पार्श्वभूमीवर पंतप्रधान नरेंद्र मोदी कन्याकुमारी येथील विवेकानंद रॉक मेमोरियलमध्ये ध्यानधारणा करत असताना , काँग्रेसचे राष्ट्रीय अध्यक्ष मल्लिकार्जुन खर्गे मात्र. अस्वस्थ झालेले दिसून आले आहेत.”राजकारण आणि धर्म कधीही एकत्र आणू नयेत आणि जर तुमच्याकडे असेल. देवावर विश्वास असेल तर त्याच्यासाठी जे काय करायचे ते घरी करा असा सल्ला त्यांनी पंतप्रधानांना दिला आहे. ते म्हणाले आहेत की
“राजकारण आणि धर्म कधीच एकत्र आणता कामा नये. हे दोन्ही वेगळे ठेवावे. एका धर्माचा माणूस तुमच्यासोबत असू शकतो आणि दुसऱ्या धर्माचा माणूस तुमच्या विरोधात असू शकतो. निवडणुकीशी धार्मिक भावना जोडणे चुकीचे आहे. कन्याकुमारीला आणि एवढ्या पोलीस अधिकाऱ्यांना काम करून किती पैसे उधळले जात आहेत, जे काही करायचे ते ते तुमच्या घरी करा”.
पंतप्रधान मोदी आध्यात्मिक दौऱ्यावर कन्याकुमारी येथे आहेत. ते ध्यान मंडपम येथे ध्यान करत आहेत, जेथे हिंदू तत्त्वज्ञ स्वामी विवेकानंद यांना ‘भारत माता’ बद्दल दैवी दृष्टी प्राप्त झाली होती असे सांगितले जाते. 1 जूनपर्यंत त्यांचे ध्यान चालू राहणार आहे.
पुढे,खर्गे म्हणाले आहेत की, आंध्र प्रदेशात भाजपला काही जागा मिळतील पण तेलंगणा, कर्नाटक आणि महाराष्ट्र या राज्यांमध्ये काँग्रेसलाच फायदा होणार आहेत. “ते (पीएम मोदी) काहीही म्हणोत, देशातील जनतेने ठरवले आहे की ते पंतप्रधान मोदींचे नेतृत्व स्वीकारणार नाहीत. या निवडणुकीत महागाई आणि बेरोजगारी कामी आली आहे. संविधान आणि लोकशाहीचा मुद्दाही लोकांच्या मनात आहे. आंध्रमध्ये त्यांना (भाजप) काही जागा मिळतील, पण इंडिया आघाडीला बहुमत असेल.
ते (भाजप) आरक्षण कसे संपवत आहेत हे अनेकांना समजले आहे. जर त्यांचा हेतू चांगला असता तर त्यांनी केंद्र सरकारमधील 30 लाख रिक्त पदे भरली असती आणि निम्म्याहून अधिक जागा गरीब, दलित आणि मागासलेल्या लोकांसाठी ठेवल्या गेल्या असत्या. असे म्हणत त्यांनी मोदी सरकारवर टीका केली आहे.
