आज मतदानाचा अंतिम टप्पा; ‘या’ सात राज्यांमध्ये होणार मतदान

Loksabha Election 2024 : आज (1 जून) लोकसभा निवडणूक 2024 चा शेवटचा टप्पा आहे. आजच्या या शेवटच्या सातव्या टप्प्यात सात राज्ये आणि एका केंद्रशासित प्रदेशातील लोकसभेच्या एकूण 57 जागांसाठी मतदान होत आहे. आज सकाळी 7 वाजल्यापासून मतदानाला सुरूवात झाली आहे.

आजच्या सातव्या टप्प्यात पंजाब, उत्तर प्रदेश, बिहार, चंदीगड, हिमाचल प्रदेश, ओडिशा, झारखंड आणि पश्चिम बंगालमध्ये मतदान होत आहे. त्यामुळे आज 904 उमेदवारांचे भवितव्य मतदान पेटीत बंद होणार आहे.