Lalu Prasad Yadav : लोकसभा निवडणूक 2024 चा आज (1 जून) शेवटचा म्हणजेत सातवा टप्पा आहे. आजच्या सातव्या टप्प्यात पंजाब, उत्तर प्रदेश, बिहार, चंदीगड, हिमाचल प्रदेश, ओडिशा, झारखंड आणि पश्चिम बंगालमध्ये मतदान होत आहे. त्यामुळे आज 904 उमेदवारांचे भवितव्य मतदान पेटीत बंद होणार आहे.
आजच्या या शेवटच्या टप्प्यात सात राज्ये आणि एका केंद्रशासित प्रदेशातील लोकसभेच्या एकूण 57 जागांसाठी मतदान होत आहे. तर आज सकाळी 7 वाजल्यापासून मतदानाला सुरूवात झाली आहे. त्यामुळे सर्वसामान्य जनतेसह अनेक राजकीय नेते, सेलिब्रिटी मतदान करण्यासाठी मतदान केंद्रावर पोहोचत आहेत. यामध्ये आता आरजेडी प्रमुख लालू प्रसाद यादव यांनी मतदानाचा हक्क बजावला आहे.
लालू प्रसाद यादव यांनी पटना येथील मतदान केंद्रावर जाऊन मतदान केले. लालू यादव यांनी त्यांची पत्नी राबडी देवी आणि मुलगीसह मतदाना केले. यावेळी सारण लोकसभा मतदारसंघातील पक्षाच्या उमेदवार रोहिणी आचार्य यांनीही मतदानाचा हक्क बजावला.
