सध्या टीम इंडियाचा स्टार क्रिकेटर शुभमन गिल सोशल मीडियावर चांगलाच चर्चेत आला आहे. कारण शुभमन गिल या वर्षाच्या अखेरीस लग्नाच्या बेडीत अडकणार असल्याचं म्हटलं जात आहे. बॉलीवूड अभिनेत्री सारा अली खानसोबत त्याचे नाव जोडले गेल्याने शुभमन खूप चर्चेत आहे. पण अशातच आता शुबमन सारा अली खानसोबत नाही तर टीव्ही ब्युटी रिद्धिमा पंडितसोबत लग्न करणार असल्याच्या चर्चा सुरू झाल्या आहेत.
विशेष म्हणजे शुभमन गिल आणि रिद्धिमा पंडितच्या लग्नाची तारीखही समोर आली आहे. यासोबतच रिद्धिमा पंडितने लग्नाच्या चर्चांवर आपली प्रतिक्रिया दिली आहे.
रिद्धिमा पंडित डिसेंबर 2024 मध्ये शुभमन गिलसोबत लग्न करणार असल्याचा दावा करणारा एक अहवाल ऑनलाइन व्हायरल झाला आहे. शुभमन आणि रिद्धिमा यांना त्यांचे लग्न गुप्त ठेवायचे आहे. रिपोर्ट्नुसार, शुभमन आणि रिद्धिमा एकमेकांना डेट करत आहेत. रिद्धिमा पंडित ही मुंबईची रहिवासी असून तिचे वय 33 वर्षे आहे तर शुभमन गिल 24 वर्षांचा आहे.
दरम्यान, रिद्धिमाने क्षणाचाही विलंब न लावता शुभमन गिलसोबतच्या लग्नाच्या वृत्तावर मौन सोडले आहे. रिद्धिमाने तिच्या इन्स्टास्टोरीवर एक व्हिडिओ शेअर केला आहे आणि म्हटले आहे की, जेव्हा असं काही घडेल तेव्हा मी तुम्हाला सांगेन, परंतु आता असं काहीही नाहीये, अशी प्रतिक्रिया रिद्धिमाने दिली आहे.
