लोकसभा निवडणुकीसाठी सातव्या आणि अंतिम टप्प्यातील मतदान 1 जून रोजी सात राज्ये आणि केंद्रशासित प्रदेश चंदीगडमध्ये दुपारी 3 वाजेपर्यंत 49.68 टक्के मतदान झाले असल्याचे निवडणूक आयोगाकडून सांगण्यात आले आहे.
ECI नुसार, झारखंड दुपारी 3 वाजेपर्यंत 60.14 टक्के मतदानाच्या यादीत आघाडीवर आहे.
सातव्या टप्प्यात मतदान सुरू असलेल्या इतर राज्यांमध्ये बिहार-42.95 टक्के, चंदीगड–52.61 टक्के, ओडिशा–49.77 टक्के, पंजाब–46.38 टक्के, उत्तर प्रदेश–46.83 टक्के आणि पश्चिम बंगाल- – 58.46 टक्के, हिमाचल प्रदेश 58.41 टक्के.अशी टक्केवारी आहे.
सात राज्ये आणि केंद्रशासित प्रदेश चंदीगडमध्ये पसरलेल्या ५७ लोकसभा मतदारसंघात आज सकाळी ७ वाजता शेवटच्या टप्प्यातील मतदानाला सुरुवात झाली.
आज संध्याकाळी ६ वाजता मतदान संपल्यानंतर एक्झिट पोलचे निकाल विविध टीव्ही चॅनेलवर प्रसारित केले जातील.
निवडणूक आयोगाने 19 एप्रिल रोजी सकाळी 7 ते 1 जून रोजी सायंकाळी 6.30 वाजेपर्यंत मतदान संपेपर्यंत एक्झिट पोलवर बंदी घातली आहे. लोकसभा निवडणुकीच्या अंतिम टप्प्यातील प्रचाराचा उच्चांक गुरुवारी संपला.
