जगातील सर्वात मोठा लोकशाही देश असणाऱ्या भारतासाठी अत्यंत महत्वाचा दिवस आहे. आज लोकसभा निवडणुकीचा निकाल जाहीर होणार आहे.सुरुवातीला बॅलेट मतांची व त्यानंतर ईव्हीएम मशीनमधील मतमोजणी केली जाणार आहे. निवडणूक आयोग देखील पूर्णपणे सज्ज झाले आहे. दरम्यान आज देशात कोणाची सत्ता येणार याचा फैसला होणार आहे. दरम्यान १जून रोजी समोर आलेय एक्झिट पोलनुसार देशात पुन्हा एकदा मोदी सरकार येत असल्याची आकडेवारी समोर आली होती. मात्र आज त्याचा अंतिम फैसला होणार आहे. दरम्यान देशातील निवडणुकीच्या निकालाबाबतचे लाईव्ह अपडेट्स जाणून घेऊयात.
लोकसभा निवडणुकीसाठी पोस्टल बॅलेटच्या मतदानाला सुरुवात झाली आहे.
लोकसभा निकालाआधीच एनडीए पहिला विजय प्राप्त केला आहे. गुजरातच्या सुरतमध्ये भाजपला विजय मिळविला आहे. सुरतमध्ये काँग्रेस उमेदवाराचा अर्ज अवैध ठरल्याने भाजपने तिथे बिनविरोध विजय मिळविला आहे.
लोकसभा निवडणुकीसाठी पोस्टल मतांची मतमोजणी सुरु झाली आहे. थोड्याच वेळात पहिला कल समोर येणार आहे.
मतमोजणीत पहिला कल समोर आला आहे. त्यात एनडीए १० आणि इंडिया आघाडी ५ जागांवर पुढे आहे. तर ३ जागांवर इतर पक्ष पुढे आहेत.
हिमाचल प्रदेशातील मंडीतून कंगना रणौत आणि उत्तर प्रदेशातील मथुरामधून हेमा मालिनी आघाडीवर आहेत.
बिहारमधील सारण लोकसभा मतदारसंघामधून लालूप्रसाद यादव यांची कन्या रागिनी आचार्य पिछाडीवर आहे.
