Shrikant Shinde : कल्याणमध्ये श्रीकांत शिंदेंनी बाजी मारली आहे. ते अजूनही आघाडीवर आहेत. श्रीकांत शिंदे 16 हजार 564 मतांनी आघाडीवर आहेत. त्यामुळे कल्याणमध्ये श्रीकांत शिंदेंचा विजय होणार असल्याचं निश्चित मानलं जात आहे.
आज जगातील सर्वात मोठा लोकशाही देश असणाऱ्या भारतासाठी अत्यंत महत्वाचा दिवस आहे. आज लोकसभा निवडणुकीचा निकाल जाहीर होणार आहे.सुरुवातीला बॅलेट मतांची व त्यानंतर ईव्हीएम मशीनमधील मतमोजणी केली जाणार आहे. निवडणूक आयोग देखील पूर्णपणे सज्ज झाले आहे.
आज देशात कोणाची सत्ता येणार याचा फैसला होणार आहे. दरम्यान 1 जून रोजी समोर आलेय एक्झिट पोलनुसार देशात पुन्हा एकदा मोदी सरकार येत असल्याची आकडेवारी समोर आली होती. मात्र आज त्याचा अंतिम फैसला होणार आहे. दरम्यान महाराष्ट्रात देखील महायुती आणि महाविकासआघाडीमध्ये चुरशीची लढत होत आहे. राज्याच्या जनता कोणाच्या बाजूने आहे हे थोड्याच वेळात कळणार आहे. राज्यातील निकालाचे लाईव्ह अपडेट्स जाणून घेऊयात.
