‘मिर्झापूर 3’ ही बहुप्रतिक्षित वेब सीरिज लवकरच प्रेक्षकांच्या भेटीस येणार आहे. आत्तापर्यंत मिझापूर या वेब सीरिजच्या दोन्ही सीझन्सला प्रेक्षकांनी मोठ्या प्रणामात पसंती दिली आहे. तर आता या सीरिजचा तिसरा सीझन प्रेक्षकांच्या भेटीस येणार आहे. काही दिवसांपूर्वीच मिर्झापूर-3 या वेब सीरिजची घोषणा करण्यात आली होती. तर आता सीरिजची डेटही जाहीर करण्यात आली आहे.
प्राईम व्हिडीओच्या ट्विटर अकाऊंटवर मिर्झापूर-3 ची रिलीज डेट जाहीर करण्यात आली आहे. तर प्राईम व्हिडीओनं ट्विटमध्ये लिहिलं आहे की, “कर दिए प्रबंध मिर्झापूर-3 का, डेट नोट कर लीजिये, 5 जुलाई.”
https://x.com/PrimeVideoIN/status/1800415371176124613
तर आता मिर्झापूर 3 वेब सीरिज 5 जुलैला रिलीज होणार आहे, त्यामुळे प्रेक्षकांमध्ये उत्साहाचे वातावरण निर्माण झाले आहे. दरम्यान, या सीरिजचे दिग्दर्शन गुरमीत सिंह आणि आनंद अय्यर यांनी केलं आहे. तर या सीरिजमध्ये पंकज त्रिपाठी, विजय वर्मा, अली फजल, श्वेता त्रिपाठी शर्मा, ईशा तलवार, प्रियांशु पेन्युली, अंजुम शर्मा, शेखर गौड, मेघना मलिक, मनु ऋषि चड्ढा, शीबा चड्ढा हे कलाकार महत्त्वाच्या भूमिकेत आहेत.
