आज (14 जून) अभिनेता कार्तिक आर्यनचा मोस्ट अवेटेड चित्रपट ‘चंदू चॅम्पियन’ थिएटरमध्ये रिलीज झाला आहे. या चित्रपटाच्या रिलीजच्या एक दिवस आधी या चित्रपटाचे स्पेशल स्क्रिनिंग आयोजित करण्यात आले होते, ज्यामध्ये बॉलीवूड स्टार्स सहभागी झाले होते. तर या चित्रपटाच्या स्पेशल स्क्रिनिंगला रिचा चढ्ढा, अर्शद वारसी, विद्या बालन, शर्वरी वाघ, रोनित रॉय, टायगर श्रॉफ आणि सुनील शेट्टी यांच्यासह अनेक स्टार्सनी हजेरी लावली होती. पण यावेळी सगळ्यांचे लक्ष वेधून घेतले ते विद्या बालनने. या कार्यक्रमात विद्या बालनचे ट्रान्सफॉर्मेशन पाहून सगळेच चकीत झाले होते.
जेव्हा विद्या बालन कार्तिक आर्यन स्टारर चंदू चॅम्पियनच्या स्पेशल स्क्रिनिंगला पोहोचली तेव्हा तिचे रूपांतर पाहण्यासारखे होते. विद्या या इव्हेंटमध्ये ब्लॅक ड्रेस घालून पोहोचली होती, ज्यामध्ये ती पूर्वीपेक्षा खूपच स्लिम दिसत होती. तिचे हे जबरदस्त ट्रान्सफॉर्मेशन पाहून सगळेच थक्क झाले होते.
चंदू चॅम्पियनच्या प्रीमियरमध्ये विद्या बालनच्या बहिणीचा मुलगाही दिसला होता. विद्याने प्रीमियरमध्ये तिच्या बहिणीच्या मुलासोबत पोजही दिली आणि गंमतीने पापाराझींना सांगितले, “आता असे म्हणू नका की हा माझा मुलगा आहे. तो माझ्या बहिणीचा मुलगा आहे.” सध्या विद्याचा हा मजेशीर व्हिडीओ सोशल मीडियावर मोठ्या प्रमाणात व्हायरल होत आहे.
https://www.instagram.com/reel/C8KoYbkSp4Y/?utm_source=ig_web_copy_link
दरम्यान, विद्या बालन अनेकदा बॉडी शेमिंगबद्दल उघडपणे बोलताना दिसली आहे. तिला तिच्या वाढलेल्या वजनामुळे अनेकदा ट्रोलींगचा सामना करावा लागला होता. पण आता तिचे जबरदस्त असे ट्रान्सफॉर्मेशन पाहून सगळेच चकीत झाले आहेत.
