भारतीय ॲथलीट नीरज चोप्राने काल फिनलंडमधील तुर्कू येथे झालेल्या पावो नूरमी गेम्स 2024 ऍथलेटिक्स संमेलनात पुरुषांच्या भालाफेक प्रकारात सुवर्णपदक जिंकत अभिमानास्पद कामगिरी केली आहे.
नीरजने तिसऱ्या प्रयत्नात ८५.९७ मीटर भालाफेक केली, जी त्याची सर्वोत्तम थ्रो ठरली. सुवर्ण जिंकून नीरजने पॅरिस ऑलिम्पिकपूर्वी फॉर्मात असल्याचे संकेत दिले आहेत.फिनलंडच्या टोनी केरानेनने 84.19 मीटरच्या वैयक्तिक सर्वोत्तम थ्रोसह रौप्यपदक जिंकले, तर दोन वर्षांपूर्वी या स्पर्धेत नीरजला सुवर्णपदक साठी मागे टाकलेल्या ऑलिव्हर हेलँडरला कांस्यपदकावर समाधान मानावे लागले आहे.
दोन वेळचा विश्वविजेता ग्रेनेडाचा अँडरसन पीटर्स ८२.५८ मीटरसह यावेळी चौथ्या स्थानावर राहिला.
या वर्षाच्या उत्तरार्धात पॅरिस 2024 ऑलिम्पिकमध्ये आपल्या सर्वोत्तम कामगिरीच्या तयारीत असलेल्या असलेल्या नीरजने 10 मे रोजी दोहा डायमंड लीगमध्ये 88.36 मीटर फेक करून दुसऱ्या स्थानावर राहून आपल्या हंगामाची सुरुवात केली. पाच दिवसांनंतर, त्याने भुवनेश्वरमधील फेडरेशन कपमध्ये 82.27 मीटरच्या माफक थ्रोसह सुवर्णपदक जिंकले. ऑलिम्पिक चॅम्पियन झाल्यानंतर भारतातील ही त्याची पहिलीच स्पर्धा होती.
तुर्कू मीटमध्ये परतताना,नीरजने 83.62 मीटरच्या पहिल्या थ्रोने सुरुवात केली आणि पहिल्या मालिकेत आघाडी घेतली, परंतु पुढील फेरीत त्याला हेलँडरने मागे टाकले.तिसऱ्या मालिकेत त्याने ८५.९७ मीटर फेक करून पुन्हा आघाडी घेतली आणि शेवटपर्यंत अव्वल स्थानावर राहिला. .
मांडीचे स्नायू दुखत असल्याने नीरज चोप्राने गेल्या महिन्यात ऑस्ट्रावा गोल्डन स्पाइक स्पर्धेतून माघार घेतली होती. मात्र दमदार पदार्पण करत दोहा डायमंड लीगने सीझनची सुरुवात करणारा चोप्रा आता पॅरिस डायमंड लीगमध्ये 7 जुलैला सहभागी होणार आहे.
