राज्यात मान्सूनचे आगमन झाले आहे. मात्र गेले काही दिवस पावसाने विश्रांती घेतल्याचे चित्र पाहायला मिळाले. मात्र हवामान विभागाने पुढील तीन ते चार तासांमध्ये राज्यात मुसळधार पावसाची शक्यता वर्तविली आहे.
पुढील तीन ते चार तासांत राज्यातील मुंबई, पालघर, ठाणे, कोकण भागात मुसळधार पावसाचा अंदाज देण्यात आला आहे. कोकणात आणि विदर्भात हवामान विभागाने यलो अलर्ट दिला आहे.
राज्यात हवामान विभागाने यलो अलर्ट दिल्याने नागरिकांनी योग्य ती खबरदारी घ्यावी असे आवाहन राज्यसरकार आणि प्रशासनाने केले आहे. तसेच चांगला पाऊस झाल्याशिवाय शेतकरी राजाने पेरणी करू नये असे देखील कृषी विभागाने आवाहन केले आहे.
