NEET पेपर लीक प्रकरणावरून बिहारमध्ये राजकारण तापले आहे. तेजस्वी यादव या प्रकरणावरून सरकारवर हल्लाबोल करत होते, त्यामुळे आता ते स्वतःच चौकशीच्या कक्षेत सापडले आहेत. बिहारचे उपमुख्यमंत्री विजय सिन्हा यांनी तेजस्वी यादव यांच्यावर गंभीर आरोप केले आहेत. बिहारचे उपमुख्यमंत्री विजय सिन्हा यांनी दावा केला आहे की पेपर लीकचा संबंध तेजस्वी यादव यांच्या पर्सनल सेक्रेटरीशी आहे. सिन्हा म्हणाले की, बिहारचे माजी उपमुख्यमंत्री तेजस्वी यादव यांच्या जवळचे त्यांचे सचिव पीए प्रीतम यादव यांनी NEET पेपर लीक आरोपी सिकंदर कुमारसाठी गेस्ट हाऊस बुक केले होते.
सिन्हा यांनी असेही सांगितले की, गेस्ट हाऊसच्या बुकिंगसाठी दोन वेळा कॉल करण्यात आले होते, प्रथम 1 मे रोजी सकाळी 9.07 वाजता आणि नंतर 4 मे रोजी. सिन्हा हे रस्ते – बांधकाम मंत्री देखील आहेत, त्यामुळे हे गेस्ट हाऊसही त्यांच्या अंतर्गत येते. यापूर्वी हे खाते तेजस्वी यादव यांच्याकडे होते. सिन्हा यांनी पत्रकार परिषदेतच पीडब्ल्यूडीच्या तिन्ही अधिकाऱ्यांना निलंबित केले. सिकंदर कुमार यांना ॲलॉट न करता गेस्ट हाऊसमध्ये राहण्याचा आदेश दिल्याचा आरोप अधिकाऱ्यांवर आहे आणि आठवडाभर हे वृत्त सुरू असतानाही त्यांनी मौन बाळगले होते.
या प्रकरणाच्या तपासाबाबत बोलताना सिन्हा म्हणाले की, प्रीतम कुमार आणि इतर ज्यांची नावे समोर येत आहेत त्यांची चौकशी केली जाईल. सिन्हा यांनी सिकंदर हे लालू यादव यांच्या जवळचे असल्याचे सांगून त्यांनी लालू यादव तुरुंगात असतानाही त्यांची सेवा केली असल्याचे सांगितले. सिन्हा म्हणाले की, प्रीतम कुमार यांनी लोकांना येथे राहायला लावले असेल तर त्यांच्यावरही कठोर कारवाई केली जाईल.
