काँग्रेसचे ज्येष्ठ नेते अधीर रंजन चौधरी यांनी मुर्शिदाबाद जिल्ह्यातील बहरामपूर मतदारसंघातून लोकसभा निवडणुकीत पराभव स्वीकारल्यानंतर बंगाल काँग्रेसच्या अध्यक्षपदाचा आज राजीनामा दिला. लोकसभा निवडणुकीत बंगालमध्ये काँग्रेसला केवळ एका जागेवर विजय मिळाला आहे. अधीर रंजन चौधरी यांचा बहरमपूर लोकसभा मतदारसंघातून माजी क्रिकेटपटू आणि तृणमूलचे उमेदवार युसूफ पठाण यांनी पराभव केला. काँग्रेसच्या लाजिरवाण्या पराभवानंतर अधीर रंजन चौधरी यांच्या भूमिकेवर प्रश्न उपस्थित केले जात आहेत. लोकसभा निवडणुकीतील कामगिरीबाबत काँग्रेसकडून शुक्रवारी आढावा बैठक बोलावण्यात आली आहे. त्याआधीचौधरी यांनी राजीनामा दिला आहे.
उल्लेखनीय आहे की अधीर रंजन बहरामपूर लोकसभा मतदारसंघातून पाच वेळा खासदार म्हणून निवडून आले होते. या लोकसभा निवडणुकीतील पराभवानंतर आपले राजकीय भवितव्य काय असेल हे माहित नसल्याचे ते म्हणाले होते. ते म्हणाले, “मला अद्याप माझ्या नेत्यांचा फोन आलेला नाही. राहुल गांधींची ‘ईस्ट-वेस्ट इंडिया जोडो यात्रा’ मुर्शिदाबादला पोहोचली तेव्हा आम्ही त्यात सहभागी झालो, असेही अधीर म्हणाले. आमच्या पक्षाचे अध्यक्ष मल्लिकार्जुन खरगे एकदा मालदामध्ये प्रचार करत होते पण बहरमपूरला कधीच आले नाहीत.
