श्रद्धा कपूर आणि राजकुमार राव अभिनित 2018 मध्ये आलेला ‘स्त्री’ चित्रपट सुपरहिट ठरला होता. हिंदी हॉरर चित्रपटात हा एक वेगळा प्रयोग होता. यानंतर हॉरर चित्रपटांमध्येही कॉमेडी जोडली जाऊ लागली. आता प्रेक्षक ‘स्त्री-2’ची वाट पाहत आहेत. या चित्रपटाचा टीझर नुकताच प्रदर्शित झाला आहे. अपारशक्ती खुराना आणि पंकज त्रिपाठी यांची झलक या दुसऱ्या भागातही बघायला मिळणार आहे.
‘स्त्री-२’ मध्ये ‘ती’ परत आली आहे आणि संपूर्ण चंदेरी गाव पुन्हा दहशतीच्या छायेखाली बघायला मिळणार आहे. टीझरच्या सुरुवातीला ‘स्त्री’ची मूर्ती दिसते. ज्यावर ‘ओ स्त्री रक्षा करना असे लिहिले आहे, पहिल्या भागाचा शेवट श्रद्धा स्त्रीच्या केसांची वेणी घालताना दिसली होती. आता या सिक्वेलमध्ये श्रद्धा ‘स्त्री ‘ बनणार का हे पाहणे उत्सुकतेचे ठरणार आहे. दुसरीकडे राजकुमार राव आणि त्याचे मित्र पुन्हा एकदा ‘स्त्री’पासून सुटका करण्याचा प्रयत्न करताना दिसणार आहेत. राजकुमार आणि श्रद्धाची प्रेमकथाही तुम्हाला पाहायला मिळणार आहे.
‘स्त्री-२’ १५ ऑगस्टला चित्रपटगृहांमध्ये प्रदर्शित होणार आहे. ‘स्त्री’च्या पहिल्या एपिसोडमधील VFX लाजवाब होते. आता या भागात व्हीएफएक्सवरही अधिक काम झाले आहे. 2018 मध्ये ‘स्त्री’ने 25 कोटींची कमाई केली होती. चित्रपटाचे बजेट 14 कोटी होते. आता ‘स्त्री 2’ची कमाई दुप्पट होण्याची अपेक्षा आहे. प्रेक्षकांसाठी एक खास सरप्राईजही असणार आहे.नुकताच रिलीज झालेला टीझर खूपच उत्सुकता वाढवणारा आहे.
