भारतातील संविधान आणि लोकशाहीचा जेव्हा जेव्हा विचार येतो तेव्हा बाबासाहेब डॉ भीमराव आंबेडकर यांचे नाव मोठ्या आदराने घेतले जाते. बाबासाहेब हे आपल्या राज्यघटनेचे निर्माते, समाजसुधारक आणि भारताचे पहिले कायदा मंत्री होते. डॉ. आंबेडकर यांचे 6 डिसेंबर 1956 रोजी निधन झाले. तेव्हापासून हा दिवस महापरिनिर्वाण दिवस म्हणून ओळखला जातो. वास्तविक, महापरिनिर्वाण हा शब्द बौद्ध धर्माशी संबंधित आहे ज्याचा अर्थ आत्म्याची मुक्ती आहे.
महापरिनिर्वाण दिनानिमित्त १ डिसेंबर पासून मुंबईतील त्यांचे समाधीस्थळ असलेल्या चैत्यभूमी येथे भारतभरातून लक्षावधी लोक येतात. चैत्यभूमी येथे २५ लाखाहून अधिक त्यांचे अनुयायी जमा होतात व चैत्यभूमी स्तूपात ठेवलेल्या आंबेडकरांच्या अस्थीकलश व प्रतिमेस अभिवादन करतात व बाबासाहेबांचे दर्शन घेतात.
पंतप्रधान नरेंद्र मोदी यांनी आज सकाळी संविधानाचे निर्माते आणि सामाजिक न्यायाचे प्रतीक बाबासाहेब डॉ.भीमराव आंबेडकर यांचे स्मरण करत ट्विटरवर पोस्ट केली आहे. डॉ.आंबेडकरांचा समता आणि मानवी प्रतिष्ठेचा अथक लढा पिढ्यानपिढ्या प्रेरणा देत आहे. आज, आपण जसे त्यांचे योगदान आठवतो त्याचप्रमाणे आम्ही त्यांचे स्वप्न पूर्ण करण्याच्या आमच्या वचनबद्धतेचा पुनरुच्चार करतो. त्यांनी लिहिले आहे की , “मी या वर्षाच्या सुरुवातीला मुंबईतील चैत्यभूमीला भेट दिल्याचा फोटोही शेअर करत आहे. जय भीम.”
तसेच भारतीय जनता पक्षानेही आपल्या ट्विटर हॅण्डलवरून पोस्ट शेअर करत डॉक्टर बाबासाहेब आंबेडकर यांना अभिवादन केले आहे.
On Mahaparinirvan Diwas, we bow to Dr. Babasaheb Ambedkar, the architect of our Constitution and a beacon of social justice.
Dr. Ambedkar’s tireless fight for equality and human dignity continues to inspire generations. Today, as we remember his contributions, we also reiterate… pic.twitter.com/b6FkWCj8Uh
— Narendra Modi (@narendramodi) December 6, 2024
