काँग्रेस प्रणित इंडिया आघाडीची बैठक आज आणि उद्या मुंबईत पार पडणार आहे. या बैठकीला आज संध्याकाळी सुरूवात होणार आहे. देशभरातले प्रमुख नेते या बैठकीसाठी मुंबईत दाखल झालेले आहेत. या बैठकीत इंडिया आघाडीच्या लोगोचे अनावरण होणार आहे.तसेच आज सव्वा चार वाजता राहूल गांधी यांची ग्रँड ह्यात हॉटेलमध्ये पत्रकार परिषद होणार आहे.. २८ पक्षांचे ६३ प्रतिनिधींच्या उपस्थितीमध्ये दोन दिवसीय बैठक असणार आहे.
या बैठकीसाठी राहूल गांधी आणि सोनिया गांधी मुंबईकडे रवाना झाले आहेत. मेहबुबा मुफ्ती, सिताराम येचुरीसुद्धा बैठकीसाठी दाखल झाले आहेत. याशिवाय ममता बॅनर्जी, लालूप्रसाद यादव हे देखील मुंबईत दाखल झाले आहेत. ममता बॅनर्जी कालच मुंबईत दाखल झाल्या असून त्यांनी उद्धव ठाकरे कुटुंबाची भेट घेत त्यांच्यासोबत रक्षाबंधनही साजरे केले.तसेच तामिळनाडूचे मुख्यमंत्री एम.के. स्टॅलिन मुंबई विमानतळावर दाखल झाले आहेत.
