आज गौरी आवाहन; घरोघरी लगबग!

गणेशोत्सवाचा आजचा तिसरा दिवस! आज गौरी आवाहन. यानिमित्ताने बाजारपेठा सजल्या असून घरोघरी सजावटीचे काम अंतिम टप्प्यात आले आहे. घरोघरी स्त्रियांची फराळाच्या पदार्थांची तयारी सुरु आहे तर दुसरीकडे सजावटीसाठी चिमुकल्यांसह पुरुष मंडळी लगबगीत आहेत! धार्मिक उत्सवाच्या निमित्ताने राज्यात एकूणच आनंदाचे वातावरण पसरले आहे! पावसाने उसंत दिल्याने या सणासाठी लागणाऱ्या वस्तूंसाठी नागरिकांची वर्दळ बाजारात पाहायला मिळते आहे. दरम्यान आज गौरी आवाहन, उद्या गौरी पूजन आणि परवा म्हणजे शनिवारी गौरी विसर्जन आहे.