केंद्रीय गृहमंत्री अमित शाह हे मुंबईच्या दौऱ्यावर येणार असल्याची माहिती समोर आली आहे. उद्या म्हणजेच शनिवारी अमित शहा मुंबईत येणार असून त्यांचा संपूर्ण कार्यक्रम ठरल्याची माहिती देण्यात आली आहे.
दरवर्षीप्रमाणे केंद्रीय गृहमंत्री अमित शाह हे मुंबई दौऱ्यावेळी सहकुटुंब मुंबईतील प्रसिद्ध लालबागच्या राजाचे दर्शन घेणार आहे.त्यानंतर अमित शहा हे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्या निवासस्थानच्या बाप्पांचे दर्शन घेतील. मुंबई भाजपचे अध्यक्ष आशिष शेलार यांच्या घरातील गणपतीचेही अमित शहा दर्शन घेतील असे सांगण्यात आले आहे.
त्यानंतर गृहमंत्री अमित शहा हे मुंबई विद्यापीठाच्या एका कार्यक्रमात हजेरी लावणार आहे. त्यानंतर संध्याकाळी सात वाजता अमित शहा हे दिल्लीसाठी रवाना होणार आहेत .
