नुकत्याच नागपुरातील रेशीमबाग येथे पार पडलेल्या राष्ट्रीय स्वयंसेवक संघाच्या दसरा मेळाव्याला प्रसिद्ध गायक शंकर महादेवन यांनी हजेरी लावली होती.
या दसरा मेळाव्यात शंकर महादेवन यांनी भाषणदेखील केलं. आरएसएने देशासाठी मोठं काम केलं आहे, मी त्यांचे केवळ आशीर्वाद घेऊ शकतो. RSS सदस्यांनी आपल्या परंपरेचं, संस्कृतीचं रक्षण करण्यासीठ जे काम केलं आहे ते कोणीही केलं नाही. आपल्या देशात प्रत्येक व्यक्तीसाठी प्रार्थना होते. भारताकडे, भारतातील नागरिकांकडे संपूर्ण जगभरातून आदराने पाहिलं जात असल्याचं, यावेळी शंकर महादेवन म्हणाले.
‘अखंड भारता’ची विचारधारा, परंपरा आणि संस्कृती पुढे नेण्यात आरएसएसचे मोठे योगदान आहे अशा शब्दात शंकर महादेवन यांनी राष्ट्रीय स्वयंसेवक संघाचे कौतुक केले आहे. त्यानंतर केंद्रीय शिक्षण मंत्री धर्मेंद्र प्रधान यांनी X वर पोस्ट करुन शंकर महादेवन यांचं कौतुक केले आहे.“तुम्ही तुमच्या संगीताने देशाची मुल्य आणि भारताच्या शाश्वत संस्कृतीच प्रदर्शन केल्याबद्दल पद्म श्री शंकर महादेवन यांचं मी अभिनंदन करतो” असे धर्मेंद्र प्रधान यांनी त्यांच्या पोस्टमध्ये म्हटले आहे.
