काल राजस्थान रॉयल्स आणि मुंबई इंडियन्स यांच्यात सामना झाला. यात राजस्थान रॉयलसने मुंबईला ९ विकेट्सने पराभूत केले. या सामन्यात राजस्थानकडून यशस्वी जैस्वालने शतकी खेळी केली. भेदक गोलंदाजी आणि यशस्विनी जबरदस्त शतकी खेळी यावर राजस्थानने मुंबईला पराभूत केले. प्रथम फलंदाजी करत असताना मुंबईने ९ बाद १७९ रन्स केल्या. यामध्ये तिलक वर्मा आणि निहाल वढेरा यांच्या पार्टन्सरशिपमुळे मुंबईने १७९ धावसंख्या उभी केली. मात्र राजस्थान रॉयलसने विजय प्राप्त केला.
राजस्थानकडून यशस्वी जैस्वालने शतकी खेळी केली. त्याने ९ चौकार आणि ७ षटकार मारले. सध्या रोहित शर्मा आणि यशस्वी जैस्वालचा एक व्हिडीओ सोशल मीडियावर व्हायरल होत आहे. यशस्वीने शतकी खेळी केल्यानंतर रोहित शर्माने त्याला मिठी मारली. यावेळी दोन्ही खेळाडूंच्या चेहऱ्यावर हसू होते. रोहितने यावेळी यशस्वीला शतकी खेळीबद्दल शुभेच्छा दिल्या.
कालच्या विजयामुळे राजस्थान सध्या गुणतालिकेत पहिल्या स्थानावर आहे. तर मुंबई अजूनही संघर्ष करताना दिसत आहे. मुंबईने ८ पैकी ३ सामने जिंकून ६ गुण प्राप्त केले आहेत. तर राजास्थानने ८ पैकी ७ सामने जिंकत १४ गुण प्राप्त केले आहेत. मुंबईला क्वालिफाय होयचे असेल तर पुढील जास्तीत जास्त सामने जिंकण्याची आवश्यकता आहे.
