Arijit Singh Apologise Mahira Khan : सध्या पाकिस्तानी अभिनेत्री माहिरा खान चांगलीच चर्चेत आहे. माहिरा खानचे जगभरात जबरदस्त चाहते आहेत. 2016 मध्ये रिलीज झालेल्या शाहरुख खानच्या ‘रईस’ चित्रपटात ती दिसला होती. तर आता ती प्रसिद्ध गायक अरिजित सिंहच्या लाईव्ह कॉन्सर्टमुळे चर्चेत आली आहे. ज्यामध्ये अरिजीतने सर्वांसमोर माहिराची माफी मागितली आहे.
गायक अरिजित सिंहच्या आवाजाचे लाखो चाहते वेडे आहेत. त्यांची गाणी देशातच नव्हे तर परदेशातही लोकप्रिय आहेत. नुकताच अरिजितचा दुबईत कॉन्सर्ट पार पडला. त्याच्या या कॉन्सर्टला पाकिस्तानी अभिनेत्री माहिरा खाननेही हजेरी लावली होती. पण यादरम्यान, अरिजितने माहिरा खानची जाहीर माफी मागितली, ज्याचा व्हिडिओ सोशल मीडियावर मोठ्या प्रमाणात व्हायरल होत आहे.
या व्हायरल व्हिडिओमध्ये अरिजित सिंह अभिनेत्री माहिरा खानबद्दल बोलताना दिसत आहे. अरिजीतने अभिनेत्रीची ओळख तर करून दिलीच पण तो तिला ओळखू शकत नसल्याचेही सांगितले. अरिजित सिंग म्हणाला, “तुम्हाला आश्चर्य वाटलंच असेल, मी खुलासा करू का? कदाचित मला चांगल्या पद्धतीने खुलासा केला पाहिजे. आपण तिथे कॅमेरा लावू शकतो का? मी या व्यक्तीला ओळखण्याचा प्रयत्न करत होतो, तेव्हा मला आठवले की मी त्या व्यक्तीसाठी एक गाणे गायले होते.”
यानंतर अरिजित व्हिडिओमध्ये पुढे म्हणतो, “भगिनींनो, माहिरा खान माझ्या समोर बसली आहे. कल्पना करा, मी तिचे जालिमा हे गाणे गात होतो आणि हे तिचे गाणे आहे आणि ती देखील ते गाते होती. ती समोर उभी होती पण मी तिला ओळखू शकलो नाही. मला क्षमा करा. मॅडम तुमचे आभार आणि खूप खूप धन्यवाद”, असेही अरिजित म्हणाला.
