पश्चिम बंगालमध्ये मागील काही दिवसांपासून हिंदूंवर अत्याचाराच्या घटना वाढत चालल्या आहेत. रोज काही न काही घटना समोर येत आहेत. असाच काहीसा प्रकार होळीच्या दिवशी देखील घडला. नुकतीच हिंदू देवतांच्या मूर्तींची तोडफोड केल्याचे घटना समोर येत आहे. काही कट्टरवाद्यांकडून हिंदू देवतांच्या मूर्तीची तोडफोड केल्याचे समोर आले असून, याचे काही फोटो सोशल मीडियावर व्हायरल होत आहेत.
मंदिरातील मुर्त्यांची तोडफोडीचा व्हिडिओ भाजपाचे नेते अमित मालवीय यांनी शेअर केला असून, आम्ही ममता बॅनर्जींना पश्चिम बंगालला दुसरे बांगलादेश बनवू देणार नाही असं म्हंटल आहे. तसंच यावेळी त्यांनी आम्ही पश्चिम बंगालमधील हिंदूंच्या पाठीशी असल्याचं देखील म्हंटल आहे.
अमित मालवीय यांनी त्यांच्या पोस्टमध्ये लिहिले आहे की, ‘मुख्यमंत्री ममता बॅनर्जी यांच्या नेतृत्वाखाली पश्चिम बंगालमध्ये हिंदूंवर सतत हल्ले होत आहेत. नंदीग्राम ब्लॉक २ मधील अहमदाबाद परिसरातील कमलपूर येथील स्थानिक रहिवासी गेल्या मंगळवारपासून पूजा आणि प्रार्थना करत होते, यावेळी भक्त भजन आणि कीर्तन करण्यात मग्न असताना , काही लोकांना श्री रामाच्या नावाचा जप सहन झाला नाही आणि त्यांनी त्या जागेची तोडफोड केली आणि मूर्तींची विटंबना केली.’
ते पुढे म्हणाले, बरुईपूर, जाधवपूर आणि मुर्शिदाबादसह राज्यभरात अशाच प्रकारच्या घटना घडल्या आहेत. यामुळे सनातनींमध्ये व्यापक संताप आहे, परंतु या कठीण काळात भाजप बंगाल त्यांच्यासोबत खंबीरपणे उभा आहे. आम्ही ममता बॅनर्जींना पश्चिम बंगालला दुसरे बांगलादेश बनवू देणार नाही. अशी टीका त्यांनी केली आहे.
दरम्यान, पश्चिम बंगालमधील वाढत्या हिंसाचाराच्या पार्श्वभूमीवर बरुईपूर, जाधवपूर आणि मुर्शिदाबाद या परिसरात सुरक्षा दल तैनात करण्यात आले आहेत. या प्रकरणाचे गांभीर्य लक्षात घेऊन सरकारने साँइथिया शहरातील अनेक भागात 17 मार्च म्हणजेच सोमवारपर्यंत इंटरनेट सेवा बंद केली आहे.
