आज पंतप्रधान नरेंद्र मोदी आणि केंद्रीय गृह आणि सहकार मंत्री अमित शाह यांनी आज सकाळी देशवासियांना आषाढी एकादशीच्या मराठीतून शुभेच्छा दिल्या आहेत.पंतप्रधान आपल्या एक्सवरील पोस्टमध्ये  म्हणाले आहेत की ,

आषाढी एकादशीच्या हार्दिक शुभेच्छा! भगवान विठ्ठलाचे आशीर्वाद नेहमीच आपल्यासोबत असू देत आणि आपल्या सर्वांना आनंद आणि समृद्धीने परिपूर्ण समाजाची उभारणी करण्याची प्रेरणा मिळू दे. या उत्सवामुळे आपल्यामध्ये भक्तीभाव, नम्रता आणि करुणा वाढीला लागू दे. अतिशय प्रामाणिकपणे गरिबातील गरिबाची सेवा करण्यासाठी देखील आपल्याला प्रेरणा मिळू दे.
https://x.com/narendramodi/status/1813416991358959722

तर एक्सवरील पोस्टमध्ये अमित शाह म्हणतात की,

आषाढी एकादशीच्या सर्वांना हार्दिक शुभेच्छा!
विठुमाऊलीच्या पूजनासाठी प्रसिद्ध असलेल्या या मंगल दिवसाच्या निमित्ताने सर्व वारकरी, भक्तांना शुभेच्छा देतो. श्री विठ्ठल आणि रखुमाई आपणा सर्वांना सुख, समृद्धी आणि प्रगतीचे वरदान देवो !

https://x.com/AmitShah/status/1813400964877152491

सनातन हिंदू आर्य वैदिक परंपरेत एकादशी व्रताला विशेष महत्त्वाचे स्थान आहे आषाढ महिन्यातील शुक्ल पक्षातील एकादशीला देवशयनी एकादशी म्हणतात. काही ठिकाणी या तिथीला ‘पद्मनाभ’ असेही म्हणतात. जेव्हा सूर्य मिथुन राशीत प्रवेश करतो तेव्हा ही एकादशी येते. या दिवसापासून चातुर्मास सुरू झाल्याचे मानले जाते. या दिवसापासून भगवान श्री हरी विष्णू क्षीरसागरात झोपतात आणि त्यानंतर सुमारे चार महिन्यांनी सूर्य तूळ राशीत जातो तेव्हा ते जागे होतात. त्या दिवसाला देवठाणी एकादशी म्हणतात.