सध्या हिंदी सिनेसृष्टीतील अभिनेत्री श्रद्धा कपूर तिच्या स्त्री २ या सिनेमामुळे चांगलीच चर्चेत आहे. या हॉरर कॉमेडी असणाऱ्या या चित्रपटाने बॉक्स ऑफिसवर ४०० कोटींपेक्षा जास्त कमाई केली आहे. या सिनेमाची सक्सेस पार्टी नुकतीच पार पडली.या सिनेमामुळे चर्चेचा विषय ठरलेली अभिनेत्री म्हणजे श्रद्धा कपूर. तिच्या हटक्या अंदाजांमुळे ती नेहमीच चर्चेचा विषय ठरते. परंतु आता तिची सगळ्यात जास्त चर्चा होण्याचं कारण म्हणजे तिने एका रेकॉर्डमध्ये पंतप्रधान नरेंद्र मोदी यांना मागे टाकले आहे.

‘स्त्री 2’ च्या चर्चांबरोबरच अभिनेत्री श्रद्धा कपूर हिच्या इंस्टाग्राम फॅन फॉलोअर्स मध्ये कमालीची वाढ झालेली दिसून येत आहे.इंस्टाग्रामवर तिने 91.4 दशलक्ष फॉलोअर्सचा टप्पा गाठला आहे. पंतप्रधान नरेंद्र मोदी यांना तिने फॉलोअर्सच्या बाबतीत मागे टाकले आहे असे म्हटले जात आहे . कारण पंतप्रधान नरेंद्र मोदी यांचे इंस्टाग्रामवर 91.3 दशलक्ष फॉलोअर्स आहेत.

अभिनेत्री श्रद्धा कपूर हि इंस्टाग्रामवर सर्वाधिक फॉलो केली जाणारी तिसरी भारतीय ठरली आहे. तर क्रिकेटर विराट कोहली आणि अभिनेत्री प्रियांका चोप्रा हे अनुक्रमाने पहिल्या दोन नंबरवर आहेत. विराट कोहलीचे इंस्टाग्रामवर 271 दशलक्ष फॉलोअर्स आहेत तर अभिनेत्री प्रियांका चोप्रा हिचे 91.8 दशलक्ष फॉलोअर्स आहेत. तर या प्लॅटफॉर्मवर आलिया भट्टचे 85.1 मिलियन फॉलोअर्स आहेत, आणि त्याखालोखाल दीपिका पदुकोणचे 79.8 मिलियन फॉलोअर्स आहेत.

दरम्यान, अभिनेत्री श्रद्धा कपूर हीचा स्री २ हा चित्रपट 15 ऑगस्ट रोजी थिएटरमध्ये प्रदर्शित झाला असून हा चित्रपट बॉक्स ऑफिसवर चांगली कमाई करत आहे.