Shah Rukh Khan : भारताच्या सर्वाधिक टॅक्स भरणाऱ्या सेलिब्रिटींची यादी नुकतीच जाहीर झाली आहे आणि या यादीत बॉलीवूडचा किंग शाहरुख खान अव्वल स्थानी आहे. शाहरुख खानने या वर्षी तब्बल 92 कोटी रुपये कर भरला आहे आणि यामुळे तो सर्वाधिक टॅक्स भरणाऱ्या सेलिब्रिटींच्या यादीत पहिल्या क्रमांकावर आहे.
फॉर्च्यून इंडियाने यावर्षीची सर्वात जास्त टॅक्स भरणाऱ्या सेलिब्रिटींची यादी जाहीर केली आहे. या यादीत दुसऱ्या क्रमांकावर साऊथ सुपरस्टार थलापति विजय आहे, ज्याने 80 कोटी रुपयांचा कर भरलेभरला आहे. या यादीत तिसऱ्या क्रमांकावर बॉलीवूडचा भाईजान सलमान खान आहे, ज्याने 75 कोटी रुपयांचा कर भरला आहे. या यादीतील चौथ्या क्रमांकावर महानायक अमिताभ बच्चन आहेत. अमिताभ बच्चनने 71 कोटीचा टॅक्स भरला आहे.
पाचव्या स्थानावर क्रिकेटपटू विराट कोहली आहे, ज्याने 66 कोटी रुपये कर भरला आहे. विराट कोहलीच्या आंतरराष्ट्रीय क्रिकेटमधील यशामुळे आणि मार्केटिंग करिअरमुळे त्याचे टॅक्स भरण्याचे प्रमाण वाढले असल्याचे दिसत आहे. महेंद्रसिंह धोनीने 38 कोटी रुपये कर भरला आहे, तर सचिन तेंडुलकरने 28 कोटी रुपये कर भरला आहे. हृतिक रोशननेही 28 कोटी रुपये कर भरला असून, अजय देवगणने 42 कोटी रुपयांचा कर भरला आहे.
या यादीत शाहरुख खानने सर्वांना मागे टाकले आहे. दरम्यान, शाहरुख खानच्या आगामी चित्रपटांच्या लाइनअपमुळे, त्याचे कर भरण्याचे प्रमाण आणखी वाढण्याची शक्यता वर्तवली जात आहे. शाहरुख खान सध्या ‘किंग’ या चित्रपटाचे शूटिंग करत आहे. तसेच ‘चक दे इंडिया 2’, ‘पँथर’, ‘इजहार’ हे त्याचे आगामी चित्रपट आहेत.
