सध्या देशभरात चर्चा एकच आहे ती म्हणजे ‘बिग बॉस मराठीची. यावर्षी या खेळात विविध क्षेत्रातील कलाकारांचा समावेश करण्यात आला आहे. ‘बिग बॉस मराठी सीजन 5 मधील सूरज चव्हाण याने आपल्या साध्या भोळ्या स्वभावाने संपूर्ण महाराष्ट्राचे मन जिंकले आहे. अनेक सिने सृष्टीतील दिग्गज कलाकार देखील सूरज चव्हाण याला पाठिंबा देत आहेत. यातच आता गायक आनंद शिंदे आणि त्यांच्या कुटुंबाने त्याला खास गिफ्ट दिलेल आहे.

शिंदे शाही कुटुंब सूरज चव्हाणसाठी गाण तयार करणार असून या गाण्यामध्ये स्वत: सूरज चव्हाण असणार आहे. या गाण्याला आनंद शिंदे यांचा स्वर मिळणार आहे. बिग बॉस मराठी सार्वजनिक गणेसोत्सव मंडळात सदस्यांना स्पेशल गिफ्ट्स देण्यात आलेले आहेत. गायक-संगीतकार-अभिनेता डॉ. उत्कर्ष शिंदे यांनी सूरज चव्हाण याला हे गिफ्ट दिले आहे. माहितीसाठी डॉ. उत्कर्ष शिंदे हे बिग बॉस सीझन 3 चे खेळाडू आहेत.

या कार्यक्रमाचा होस्ट रितेश देशमुखने ‘बिग बॉस मराठी सीजन 5 मधील स्पर्धकांसाठी गिफ्ट्स पाठवले होते. यामध्ये जान्हवी,अंकिताला, डीपी दादा, वैभव यांना गिफ्ट दिले होते. पण सूरजला गिफ्ट मिळाले नव्हते यामुळेच शिंदे कुटुंबाने सुरजला हे गिफ्ट दिले आहे. उत्कर्ष शिंदे म्हणाले आहेत की, मी सुरजला भाऊ म्हणून एक गिफ्ट देतो. तुझ्यासाठी आम्ही शिंदेशाही कुटुंब एक गाणं बनवणार आहोत. हे गाणं आनंद शिंदे गातील असे उत्कर्ष शिंदे यांनी सांगितलेले आहे याचसोबत पुढे बोलताना ते म्हणाले, की तू घरात ‘कोंबडी पळाली’ या गाण्यावर डान्स केला होतास, तसा डांस या गाण्यासाठी करणार आहेस आणि यात तुला अभिनय पण करायचा आहे. त्यांच्या या गिफ्टवर सूरज चव्हाण अतिशय खुश झालेला दिसला.

दरम्यान, सूरजने आनंद व्यक्त करत शिंदे कुटुंबाचे आभार देखील मानलेले आहेत.