Navra Maza Navsacha 2 Collection : ‘नवरा माझा नवसाचा’ या गाजलेल्या मराठी चित्रपटाचा सिक्वेल तब्बल 19 वर्षांनी प्रेक्षकांच्या भेटीला आला आहे. सध्या बॉक्स ऑफिसवर Navra Maza Navsacha 2 हा चित्रपट धुमाकूळ घालत आहे. भाग एक प्रमाणेच भाग दोनलाही प्रेक्षकांनी आता डोक्यावर घेतले आहे. ‘नवरा माझा नवसाचा २’ हा चित्रपट २० सप्टेंबर रोजी प्रेक्षकांच्या भेटीला आला. आणि या चित्रपटाने पहिल्याच दिवशी बॉक्स ऑफिसवर कमाल केली. सलग तिसऱ्या दिवशीही या चित्रपटाने धुराळा उडवत चांगली कमाई केली आहे.
‘नवरा माझा नवसाचा २’ या चित्रपटात अनेक दिग्गज कलाकारांची फौज आहे. सचिन पिळगावकर, स्वप्नील जोशी आणि सुप्रिया पिळगावकर हे कलाकार यात मुख्य भूमिकेत आहेत. तुमच्या माहितीसाठी २० सप्टेंबर रोजी राष्ट्रीय सिनेमा दिवस साजरा करण्यात आला. त्याचा फायदा या चित्रपटाला झाला आणि पहिल्याच दिवशी चित्रपट हाऊसफुल ठरला.
मिळालेल्या माहितीनुसार पहिल्याच दिवशी या चित्रपटाने १ कोटी ७० लाखांची कमाई केली. पहिल्याच दिवशी चित्रपटासाठी प्रेक्षकांनी गर्दी केली होती. आणि पुढे शनिवार, रविवार असल्यामुळे चित्रपटाने रेकॉर्डब्रेक कमाई केली. तिसऱ्या दिवशी या चित्रपटाने 2.32 करोडची कमाई केली आहे. अर्थातच शनिवार, आणि रविवार असल्यामुळे चित्रपटाला मोठ्या प्रमाणात फायदा झाला.
पहिल्या भागाप्रमाणे, दुसऱ्या भागातही एका नवसाची गोष्ट दाखवण्यात आली आहे. मात्र यंदा हा प्रवास एसटी मधून नाही तर तो प्रवास कोकण रेल्वेमधून आहे. सचिन पिळगावकर, स्वप्निल जोशी, सुप्रिया, यांच्या व्यतिरिक्त निर्मिती सावंत, महाराष्ट्र भूषण अशोक सराफ यांच्यासारखा दिग्गज नट. सिद्धार्थ जाधव, वैभव मांगले, हरीश दुधाणे यांच्यासारखे कलाकारही चित्रपटात आहेत.
