मिस यूनिवर्स इंडिया 2024 हा (Miss Universe India 2024) किताब 19 वर्षीय रिया सिंघाने (Riya Singha) जिंकला आहे. रिया सिंघा ही गुजारतची असून 51 स्पर्धकांना मागे टाकत तिने हा किताब जिंकला आहे. 22 सप्टेंबर रोजी जयपुरमध्ये ‘मिस युनिव्हर्स इंडिया’ (Miss Universe India 2024 )चा इव्हेंट आयोजित करण्यात आला होता. रिया सिंघा ही एक मॉडेल आहे. 19 वर्षीय रियाच्या या विजयाने सर्वत्र तिचे कौतुक होत आहे.

उर्वशी रौतेलाने (Urvashi Rautela) स्वतच्या हाताने रिया सिंघाला हा क्राऊन घातला आहे. 2015 मध्ये उर्वशीने हा किताब जिंकला होता. सध्या आता रिया सिंघा इंटरनॅशनल मिस यूनिवर्ससाठी भारताकडून प्रतिनिधित्त्व करणार आहे. तसेच हा किताब जिंकल्यानंतर आता सोशल मीडियावर तिचे फोटो आणि व्हिडीओ मोठ्या प्रमाणात व्हायरल होत आहेत. रियाचे सोशल मीडियावर अनेक फॅन फॉलवर्स आहेत. दरम्यान, आता मिस युनिव्हर्स इंडिया 2024 जिंकताच तिचे चाहते आणखीन वाढले आहेत.

मिस यूनिवर्स इंडिया 2024 हा किताब जिकल्यानंतर रियाने आनंद व्यक्त करत सर्वांचे आभार मानले आहेत. असेच आपले मी मनोगत व्यक्त करत तिने, ‘या स्तरावर पोहोचण्यासाठी खूप मेहनत घेतली असल्याचे म्हंटले आहे.’ तसेच तिने माजी विजेत्यांकडून देखील खूप प्रेरणा मिळाली असल्याचे म्हंटले आहे.

या खास कार्यक्रमावेळी बोलताना 10 वर्षांपूर्वी हा मान मिळवणाऱ्या उर्वशी रौतेलाने म्हंटले आहे की, “मला याची खात्री आहे की, यंदा मिस युनिव्हर्सचा ताज भारत पुन्हा जिंकेल. सर्व मुली मेहनती आणि सुंदर आहेत. दरम्यान, ‘मिस युनिव्हर्स इंडिया’ स्पर्धेत प्रथम क्रमांक रिया सिंघाला मिळाला असून दुसरा क्रमांक प्रांजल प्रियाने पटकवलेला आहे.