Narendra Modi : साऊथ सुपरस्टार रजनीकांत (Rajinikanth) यांना 30 सप्टेंबर रोजी रात्री उशिरा चेन्नईतील एका खासगी रुग्णालयात दाखल (hospitalized) करण्यात आले. अचानक तब्‍येत खालावल्‍याने त्यांना ताबडतोब रुग्णालयात नेण्यात आले. रजनीकांत यांची प्रकृती अचानक बिघडल्याने चाहते चिंतेत आहेत.
दरम्यान, आता पंतप्रधान मोदींनी फोनवरून रजनीकांत याच्या प्रकृतीची विचारपूस केली आहे. तामिळनाडूचे भाजप नेते के. अण्णामलाई यांनी सोशल मीडिया प्लॅटफॉर्म X वर ही माहिती शेअर केली आहे.
अण्णामलई यांनी रजनीकांत आणि त्यांची पत्नी लता यांचा पंतप्रधान मोदींसोबतचा जुना फोटो सोशल मीडियावर शेअर केला आहे. आपल्या पोस्टमध्ये त्यांनी लिहिले की, ‘आमचे पंतप्रधान श्री नरेंद्र मोदी जी यांनी श्रीमती लता रजनीकांत यांच्याशी सुपरस्टार श्री रजनीकांत जी यांच्या प्रकृतीबाबत फोनवरून चर्चा केली. माननीय पंतप्रधानांना रजनीकांत यांच्या शस्त्रक्रियेनंतर त्यांच्या प्रकृतीबद्दल माहिती देण्यात आली आणि पंतप्रधानांनी त्यांना लवकरात लवकर बरे होण्यासाठी शुभेच्छा दिल्या आहेत.’
Our Hon. PM Thiru @narendramodi avl spoke telephonically to Smt. Latha Rajinikanth avl today to inquire about the health of our Super Star Thiru @rajinikanth avl.
Hon PM was informed about the well-being of Thiru Rajinikanth avl post-surgery & Hon PM wished him a speedy… pic.twitter.com/dvneX2IJju
— K.Annamalai (@annamalai_k) October 1, 2024
यापूर्वी तामिळनाडूचे मुख्यमंत्री एम.के. स्टालिन आणि रजनीकांत यांचे तमिळ उद्योगातील सहकारी, ज्येष्ठ स्टार कमल हासन यांनीही X वर रजनीकांत यांना उत्तम आरोग्यासाठी आणि लवकर बरे होण्यासाठी शुभेच्छा दिल्या होत्या. इंडस्ट्रीतील बड्या स्टार्सपैकी एक असलेल्या विजय जोसेफनेही रजनीकांत यांच्यासाठी एक पोस्ट शेअर केली होती. ज्यात त्याने म्हंटले होते, ‘मी प्रार्थना करतो ते लवकर बरे होतील आणि घरी परत येतील.’
Bulletin from Apollo 🙏🙏🙏
Get well soon Thalaivaa 💜💜💜@rajinikanth #Rajinikanth𓃵 pic.twitter.com/u6jAFKu8ba— 𝐌𝐚𝐧𝐨 (@rajini_mano) October 1, 2024
अपोलो हॉस्पिटल चेन्नईने देखील रजनीकांत यांच्या प्रकृतीबाबत माहिती देत सांगितले की, ‘श्री रजनीकांत यांना 30 सप्टेंबर 2024 रोजी अपोलो हॉस्पिटलमध्ये दाखल करण्यात आले होते. त्यांना हृदयाकडे जाणाऱ्या मुख्य रक्तवाहिनीमध्ये जळजळ होत होती, ज्यावर ट्रान्सकॅथेटरद्वारे शस्त्रक्रिया न करता उपचार करण्यात आले आहेत. आम्ही त्यांच्या हितचिंतकांना आणि चाहत्यांना कळवू इच्छितो की त्यांची स्थिती आता स्थिर आणि निरोगी आहे. ते दोन दिवसांत घरी पोहोचतील.’
