जम्मू काश्मीरमध्ये (Jammu and Kashmir) विधानसभा निवडणुकीसाठी (Vidhansabha Elections 2024 ) शेवटच्या टप्प्यातील मतदान पार पडले आहे. विधानसभेच्या एकूण 90 जागा जम्मू काश्मीरमध्ये (Jammu and Kashmir) आहेत. शेवटच्या टप्प्यात 40 जागांसाठी मतदान झालेले आहे. या टप्प्यातील निवडणुकीसाठी एकूण 415 उमेदवार निवडणूक लढवत होते. जम्मूमधील 24 तर काश्मीरमधील 16 जागांचा तिसऱ्या टप्प्यातील मतदानात समावेश होता. जम्मू काश्मीरमधून कलम 370 हटवल्यानंतर तब्बल 10 वर्षांनी पहिल्यांदाच विधानसभा निवडणुकीसाठी मतदान पार पडलेले आहे. 63.45 टक्के लोकांनी जम्मू काश्मीरमध्ये आपला मतदानाचा हक्क बजावलेला आहे. लोकसभा निवडणुकीपेक्षा विधानसभा निवडणुकीला जास्त लोकांनी मतदानाचा हक्क बजावला आहे. परंतु 2014 च्या तुलनेत विधानसभा निवडणुकीसाठी कमी मतदान झालेले आहे अशी माहिती देण्यात आली आहे.

जम्मू काश्मीरमध्ये पहिल्या टप्प्यातील निवडणूक 18 सप्टेंबरला, दुसऱ्या टप्प्यातील निवडणूक 25 सप्टेंबरला तर 1 ऑक्टोबरला शेवटच्या टप्प्यातील निवडणूक पार पडलेली आहे. यामध्ये 61.38 टक्के मतदान पहिल्या टप्प्यात झालेले आहे. तर दुसऱ्या टप्प्यात 57.31 आणि शेवटच्या टप्प्यात 69.65 टक्के मतदान करण्यात आलेले आहे. विधानसभा निवडणुकीत 65.84 टक्के मतदान करण्यात आले असून लोकसभा निवडणुकीत 57.89 टक्के मतदान झालेले होते. यामुळे लोकसभा निवडणुकीपेक्षा विधानसभा निवडणुकीत जास्त मतदान झाले असल्याचे दिसून येत आहे.

विधानसभेच्या या निवडणुकीत जम्मू काश्मीरमधील बारामुल्लाह आणि सोपोर या ठिकाणी सर्वात जास्त मतदान नागरिकांकडून करण्यात आलेले आहे. या ठिकाणी पहिल्या टप्प्यात 61.38 टक्के मतदान झाले आहे. तर दुसऱ्या आणि तिसऱ्या टप्प्यात अनुक्रमाने 27.31टक्के आणि 69.65 टक्के मतदान करण्यात आलेले आहे.

दरम्यान, जम्मू काश्मीरमधील सर्व जागांवर भाजपने आपले उमेदवार उभे केलेले आहेत. तसेच आता विधानसभा निवडणूकीची सर्व पक्षांत चुरशीची लढत रंगल्याचे दिसत आहे. यामध्ये प्रामुख्याने ही लढत भाजप, कॉँग्रेस नॅशनल कॉन्फरन्स आणि पीडीपी यांच्यात आहे असे म्हटले जात आहे