इस्रायलने(Israel) हिज्बुल्लाहवर (Hezbollah) एक अत्यंत प्रभावशाली हल्ला केला आहे, ज्यामध्ये एकाचवेळी 100 फायटर जेट्सचा वापर करण्यात आला. हिज्बुल्लाहने काल इस्रायलवर 130 रॉकेट्स डागले होते, त्याला प्रतिकार म्हणून इस्रायलने लेबनानमध्ये(Lebanon)  हिज्बुल्लाहच्या 120 तळांवर हवाई हल्ला केला. या हल्ल्यात सुमारे एक तासभर जोरदार बॉम्बफेक चालू होती.

आयडीएफच्या प्रवक्त्याने लेबनानच्या नागरिकांना समुद्र किनाऱ्यावर किंवा नौकांवर न राहण्याचा इशारा दिला आहे, कारण हिज्बुल्लाहच्या तळांना लक्ष्य करण्यासाठी हवाई कारवाई सुरू होती. विशेष म्हणजे, हा हल्ला 7 ऑक्टोबरला हमासच्या हल्ल्याच्या वर्षपूर्तीनिमित्त झालेल्या शोकसभांच्या पार्श्वभूमीवर करण्यात आला.

आयडीएफने उत्तर इस्रायलला क्लोज्ड मिलिट्री झोन घोषित केले असून, लेबनानमध्ये यापूर्वीच्या तीन क्लोज्ड झोनमध्ये या चौथ्या झोनचा समावेश करण्यात आला आहे. हिज्बुल्लाहच्या कमांड आणि कंट्रोल क्षमतेला नष्ट करण्याच्या उद्देशाने हल्ला करण्यात आला. आयडीएफने यामध्ये हिज्बुल्लाहच्या रादवान फोर्स, मिसाइल रॉकेट फोर्स, आणि इंटेलिजेंस युनिट्सना लक्ष्य करण्यात आले. इस्रायलमध्ये शोकसभांच्या पार्श्वभूमीवर युद्ध चालू असताना, दुसऱ्या बाजूला इस्रायली सैन्य विविध आघाड्यांवर लढत आहे.

हिज्बुल्लाहकडून डागण्यात आलेले रॉकेट्स हायफा शहराला लक्ष्य करून डागले गेले. हायफा हे इस्रायलमधील तिसरे मोठे शहर असून, येमेनमधील हुती संघटनेने डागलेली मिसाइल्स आयरन डोमच्या संरक्षणामुळे हवेतच नष्ट करण्यात आली. या घटनाक्रमात, इस्रायलने गाजा पट्टीतल्या संघर्षामुळे हिज्बुल्लाह आणि हमासच्या क्षमतेवर गंभीर परिणाम साधला आहे, परंतु अद्याप संघर्ष थांबलेला नाही.