दिल्ली विधानसभा निवडणूक 2025: राष्ट्रीय राजधानी दिल्लीतील विधानसभा निवडणुकीच्या तारखा आज जाहीर होणार आहेत. निवडणूक आयोग आज दुपारी २ वाजता पत्रकार परिषद घेणार आहे. दिल्लीतील सर्व 70 जागांवर एकाच टप्प्यात मतदान होण्याची शक्यता आहे. फेब्रुवारीच्या दुसऱ्या आठवड्यात निवडणुका होऊ शकतात. निवडणुकीची घोषणा झाल्यानंतर दिल्लीत आदर्श आचारसंहिता लागू होणार आहे.
दिल्ली विधानसभेचा कार्यकाळ २३ फेब्रुवारीला संपत आहे. दिल्ली निवडणूक ही मुख्य निवडणूक आयुक्त राजीव कुमार यांच्या कार्यकाळातील शेवटची निवडणूक असेल. कारण ते 18 फेब्रुवारीला निवृत्त होत आहेत.
याआधी 2020 मध्ये, 6 जानेवारी रोजी निवडणुकीच्या तारखा जाहीर करण्यात आल्या आणि 8 फेब्रुवारी रोजी मतदान झाले होते तर 11 फेब्रुवारी रोजी मतमोजणी पार पडली होती.
कोणात असणार मुख्य लढत:
आम आदमी पक्ष यावेळी दिल्लीत विजयाची हॅट्ट्रिक करण्यासाठी निवडणूक रिंगणात उतरला असताना, भाजप २७ वर्षांचा वनवास संपवण्याच्या उद्देशाने निवडणूक लढवणार आहे. या निवडणुकीत मुख्य लढत आम आदमी पार्टी आणि भारतीय जनता पक्ष यांच्यात बघायला मिळणार असली तरी काँग्रेस पूर्ण ताकदीनिशी ही निवडणूक लढवत आहे आणि आपले गमावलेले मैदान परत मिळवू इच्छित आहे.
नवी दिल्ली जागेवर तिरंगी लढत:
नवी दिल्ली या निवडणुकीत चर्चेत राहिली आहे. आपचे प्रमुख आणि माजी मुख्यमंत्री अरविंद केजरीवाल यांनी या जागेवर सलग तीन वेळा निवडणूक जिंकून सत्तेच्या खुर्चीवर पोहोचले आहे. यावेळी काँग्रेसने त्यांच्या विरोधात माजी मुख्यमंत्री शीला दीक्षित यांचे पुत्र संदीप दीक्षित यांना उमेदवारी दिली आहे, तर भाजपने माजी मुख्यमंत्री साहिब सिंग वर्मा यांचे पुत्र प्रवेश वर्मा यांना रिंगणात उतरवून लढत रंजक केली आहे.
कालकाजी सीटही बनली विशेष :
दक्षिण-पूर्व दिल्लीची कालकाजी जागाही या निवडणुकीत हॉट सीट म्हणून समोर आली आहे. दिल्लीचे मुख्यमंत्री आतिशी या जागेवरून निवडणूक लढवत आहेत. त्यांच्या विरोधात काँग्रेसने अलका लांबा यांना तर भाजपने रमेश बिधुरी यांना तिकीट दिले आहे. या जागेवर निकराची लढत होणार असल्याचे दिसत आहे.
