उत्तर प्रदेशचे मुख्यमंत्री योगी आदित्यनाथ यांनी सांगितले की, राष्ट्रपती द्रौपदी मुर्मू, उपराष्ट्रपती जगदीप धनखड, पंतप्रधान नरेंद्र मोदी आणि केंद्रीय गृहमंत्री अमित शहा हे महाकुंभमेळ्याला उपस्थित राहण्याची शक्यता आहे. या संदर्भात मुख्यमंत्री योगी आदित्यनाथ यांनी अधिकाऱ्यांना तयारीसाठी आवश्यक सूचना दिल्या आहेत. मौनी अमावस्या आणि वसंत पंचमीनिमित्त अमृत स्नानादरम्यान कडक सुरक्षा व्यवस्था ठेवण्याच्या सूचनाही त्यांनी दिल्या आहेत.
मुख्यमंत्री योगी आदित्यनाथ यांनी रविवारी महाकुंभाला भेट दिली आणि अधिकाऱ्यांसोबत त्याचा आढावा घेतला. राष्ट्रपती, उपराष्ट्रपती, पंतप्रधान, केंद्रीय गृहमंत्री यांच्यासह अनेक मान्यवरांच्या प्रयागराज भेटीसाठी सर्व तयारी पूर्ण करण्याचे निर्देश त्यांनी अधिकाऱ्यांना दिले.प्रयागराज मधील महाकुंभामधील मौनी अमावस्येच्या तयारीचा आढावा घेतल्यानंतर प्रयागराज येथे पत्रकार परिषदेत बोलताना आदित्यनाथ यांनी ही माहिती दिली आहे माजी राष्ट्रपती रामनाथ कोविंद हेही महाकुंभाला भेट देऊ शकतात असे त्यांनी नमूद केले आहे.
आदित्यनाथ म्हणाले की, ते मकर संक्रांती आणि पौष पौर्णिमेला संगमात पवित्र स्नान करू शकले नाहीत कारण त्यांनी साधू आणि भाविकांची गैरसोय होऊ नये म्हणून स्वतःला तिथे जाण्यापासून रोखले होते. “देश आणि परदेशातून मोठ्या संख्येने भाविक महाकुंभात येत आहेत. संगमात पवित्र स्नान केल्यानंतर प्रयागराजचे गुणगान करणारे युरोपियन पर्यटक खरोखरच भारावून गेले होते असे त्यांनी नमूद केले
“त्यांना हिंदी, संस्कृत किंवा अवधी येत नाही, परंतु ते हिंदी चौपाई, संस्कृत मंत्र आणि सनातन धर्माशी संबंधित श्लोक मोठ्या भक्तीने म्हणत होते. त्यांनी गंगा माता आणि येथील पवित्र स्थळांबद्दल व्यक्त केलेली श्रद्धा अभूतपूर्व होती. होती,” असे आदित्यनाथ म्हणाले आहेत.
त्यांनी महाकुंभाच्या भव्य व्याप्तीवर प्रकाश टाकला आणि पंतप्रधान मोदींच्या या कार्यक्रमाच्या दृष्टिकोनाचे कौतुक केले.
“पौष पौर्णिमा आणि मकर संक्रांतीचे मुख्य स्नान कार्यक्रम संपले आहेत, तर २९ जानेवारी रोजी मौनी अमावस्येला आणि ३ फेब्रुवारी रोजी वसंत पंचमीला होणारे दोन महास्नान अद्याप येणे बाकी आहे. ७,००० हून अधिक संघटना आधीच पोहोचल्या आहेत,” असे ते म्हणाले.तसेच रविवारी संपूर्ण महाकुंभ परिसराचे हवाई सर्वेक्षण करण्यात आल्याची माहिती मुख्यमंत्र्यांनी दिली आहे.
संगमात स्नान करणारे भाविक, कुंभ तंबूतील रहिवासी आणि इतर संबंधित गटांसह या कार्यक्रमात उपस्थित असलेल्या लोकांची एकूण संख्या एक कोटींहून अधिक झाली असल्याचे त्यांनी सांगितले आहे.
