पंतप्रधान नरेंद्र मोदी यांनी गुरुवारी महान स्वातंत्र्यसैनिक नेताजी सुभाषचंद्र बोस यांना त्यांच्या १२८ व्या जयंतीनिमित्त आदरांजली वाहिली आहे.

“आज, पराक्रम दिनानिमित्त, मी नेताजी सुभाषचंद्र बोस यांना आदरांजली वाहत आहे. भारताच्या स्वातंत्र्य चळवळीत त्यांचे योगदान अतुलनीय आहे,” असे पंतप्रधान मोदींनी एक्सवरील पोस्टमध्ये म्हटले आहे.

“त्यांनी धैर्य आणि हिंमतीचे प्रतीक म्हणून काम केले. त्यांनी कल्पना केलेल्या भारताच्या उभारणीसाठी आपण काम करत असताना त्यांचे दृष्टिकोन आपल्याला प्रेरणा देत राहतील असे पंतप्रधान म्हणाले आहेत.

Today, on Parakram Diwas, I pay homage to Netaji Subhas Chandra Bose. His contribution to India’s freedom movement is unparalleled. He epitomised courage and grit. His vision continues to motivate us as we work towards building the India he envisioned. pic.twitter.com/HrXmyrgHvH

— Narendra Modi (@narendramodi) January 23, 2025

गृहमंत्री अमित शाह यांनीही नेताजींना श्रद्धांजली वाहिली आहे की, “स्वातंत्र्य संग्रामातील महान नेते नेताजी सुभाषचंद्र बोस यांच्या जयंतीनिमित्त मी त्यांचे स्मरण करतो आणि त्यांना श्रद्धांजली अर्पण करतो आणि सर्व देशवासीयांना ‘पराक्रम दिवसाच्या’ शुभेच्छा देतो. नेताजी सुभाषचंद्र बोस हे अदम्य धैर्य, दृढनिश्चय आणि निर्भयतेचे प्रतिबिंब होते. आझाद हिंद फौजेची स्थापना करून आणि सशस्त्र संघर्ष करून ब्रिटीश साम्राज्याचा पाया हादरवणारे नेताजी स्वातंत्र्यसैनिकांसाठी एक आदर्श बनले. त्यांचे जीवन देशभक्ती, बलिदान आणि प्रेरणेचे प्रतीक म्हणून नेहमीच लक्षात ठेवले जाईल.”

लोकसभेत प्रतिपक्ष नेते राहुल गांधी यांनी श्रद्धांजली वाहिली, “आझाद हिंद फौजेचे संस्थापक महान क्रांतिकारक, नेताजी सुभाषचंद्र बोस यांना त्यांच्या जयंतीनिमित्त हार्दिक श्रद्धांजली. नेताजींचे नेतृत्व, धैर्य, सामाजिक न्यायासाठीचा त्यांचा संघर्ष, सहिष्णुता आणि समावेशकतेसाठी त्यांचे योगदान आजही प्रत्येक भारतीयाला प्रेरणा देत आहे. भारतमातेच्या अमर सुपुत्राला माझी आदरांजली.. जय हिंद !

२०२१ मध्ये, केंद्र सरकारने सुभाषचंद्र बोस यांच्या जयंतीनिमित्त २३ जानेवारी हा दिवस पराक्रम दिवस म्हणून अधिकृतपणे घोषित केला आहे. .

२०२५ च्या पराक्रम दिवसानिमित्त, २३ जानेवारी ते २५ जानेवारी २०२५ या कालावधीत नेताजी सुभाषचंद्र बोस यांचे जन्मस्थान असलेल्या ऐतिहासिक शहरातील बाराबती किल्ल्यावर एक भव्य उत्सव साजरा करण्याचे नियोजन आहे.नेताजींच्या १२८ व्या जयंतीनिमित्त हा बहुआयामी उत्सव त्यांच्या वारशाचा सन्मान करेल. २३ ते २५ जानेवारी २०२५ दरम्यान होणाऱ्या या तीन दिवसांच्या कार्यक्रमाचे उद्घाटन ओडिशाचे मुख्यमंत्री मोहन चरण माझी आज करणार आहेत.